假日同好姊妹嘆咗餐幾有水準嘅omakase lunch, 就係尖沙咀人流唔算旺H Zentre入面嘅「炑」。 點擊圖片放大 餐廳環境簡樸闊落, 全吧檯座位, 數個Lunch set價目選擇, 而今餐我地就揀咗LUNCH-SET HK$998/位, 可以品嚐刺身同埋天婦羅各六款美食。 先來一個開胃前菜,鰻魚苗配葷菜: 鰻魚苗同葷菜口感同樣好滑溜, 配上酸酸甜甜調味, 好開胃。 螢光魷魚茶碗蒸: 魷魚爆膏甘甜鮮味, 蒸蛋嫩滑得入口即化, 內有木耳、東菇、百合, 仲食到柚子皮清香。 刺身: 1）間八魚: 加咗柚子胡椒平均平身嘅豐富魚油, 爽滑火炙有焦香 2）伊佐目: 超嫩滑肥美, 點柚子酸汁肥美鮮甜 3) 北海道x丹蝦: 肥美鮮甜 4) 長崎縣赤貝: 加左柚子皮，鮮味清新 5) 長野縣深海池魚: 爽滑有魚香 6) 拖羅: 火炙過迫出魚油, 用紫菜包住食, 平均油膩又品嚐到魚香 點擊圖片放大 天婦羅亦做得唔錯, 即炸後chok走多餘油, 炸皮極透薄, 口感鬆化。1) 花足蝦: 蝦頭超香口, 蝦身有蝦膏, 蝦肉爽彈 2) 魔鬼魚面珠墩包海膽: 魚滑到入口即溶, 包住嘅海膽仲係流心, 好鮮味。 3) 香魚bb: 魚頭甘甘地 4) 北海道松葉蟹腳: 梳梳蟹肉點咖哩鹽食, 提鮮美味。 5) 日本南瓜: 清甜, 口感綿密 6) 迷你甘筍: 爽脆清甜 最後送上冷好滑嘅烏冬同埋桃味雪葩, 桃味極之濃郁。 炑尖沙咀中間道15號H Zentre UG樓1-3號舖.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
