今日同同事去咗北角Abbraccio食lunch, 午市推出HK$128 (另加一) lunch-set, 包餐湯、餐包、自選主食(7” PIZZA or PASTA)同埋餐飲(汽水), 額外可以自選追加前菜小食。 餐廳從外而內裝修充滿意式風情, 傳統西式格局, 柔和燈光營造浪費氣氛。 Lunch-set雖然選擇算不上多, 但總可以食到意大利特色美食, PIZZA同埋意粉。 我地偏向中意食PIZZA, 主食兩款都同樣揀咗不同口味PIZZA。 先放上餐湯同餐包, 仲加咗HK$30 追加: 香蒜炸薯條,薯條炸得香脆不油, 加咗香蒜, 惹味可口。 餐飲包汽水, 亦可另+HK$30 轉COFFEE PIZZA即叫即焗, 等待時間都唔會太耐。傳統意大利餅底, 餅皮焗得帶點焦燶, 熱辣辣時外層鬆脆內軟熟。 Tonno: 餅底上加上 意大利水牛芝士、香草調味洋蔥、幾片番茄同埋少量吞拿魚肉, 鹹香吞拿魚肉跟芝士味道好夾, 配上多汁清甜番茄, 中和鹹度之餘, 更加開胃。 Cacio e Pepe: 選用兩款芝士分別為馬蘇里拉芝士同埋車打芝士, 再加上黑胡椒碎。芝士味濃郁一點, 喜歡食芝士嘅不能錯過。 最後我地仲額外HK$20/scoop 追加Gelatto,有雲呢拿同埋類似tiramisu, 質感帶有些少沙冰, 兩款味道均為濃郁。 Abbraccio北角堡壘街19A號景文樓LG樓.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
