今晚同同事專程一試位於清風街呢間開業多年嘅燒肉店「燒肉屋」。 餐廳面積不大, 裝修簡約, 天花板上掛嘅日式燈籠跟木系傢俱, 幾有日系風。 入座先送上前菜, 係無限任添啊~ 【薄切A5和牛肉常滿 (二人前)】特價$699/份 蟹將軍薯仔沙律(半份)軟綿薯蓉伴有唔少蟹籽、蟹肉、脆粟米片, 既有鮮味又不失層次。 薄切A5宮崎和牛肉眼配特製月見燒汁(2份)和牛肉眼油脂豐富又平均, 每邊燒4秒左右, 迫出少量油脂, 嫩滑又帶有油香, 沾特製月見燒汁食, 口感更加滑。 原條厚切牛舌(半條)將半條牛舌放上鐵板上燒, 再自行剪粒, 肉質厚實又爽口, 大愛!! 荔枝牛肩胛串串(6串)將肉質鮮嫩, 油脂豐富嘅牛肩胛串起, 每串仲有一粒荔枝, 中和一下油膩感, perfect match! 蒜蓉牛油烤帆立貝(4件)原隻帆立貝加咗蒜蓉牛油, 烤嘅過程帆立貝索咗少少蒜蓉牛油, 惹味提升, 將餘下嘅蒜蓉牛油撈飯, 一流! 蜜糖燒雞翼(5隻):雞翼只係簡單加咗少量黑椒調味, 再稍為開邊容易烤熟, 自行掃上蜜糖, 燒至金黃, 香口美味。 套餐包括有兩杯雪糕, 食完熱辣辣燒烤, 食杯雪糕為口腔降溫, 超滿足。 【士多啤梨乳酸汽水@棉花雲朵】HK$68賣相岩哂打卡, 面層有一小團士多啤梨棉花糖, 食完之後仲有得飲, 士多啤梨味重, 飲落降溫又解渴。 【百香果菠蘿梳打】HK$58果香味濃郁, 有百香果香, 又有菠蘿嘅香甜, 解渴又解膩。 燒肉屋天后清風街10號清風大廈地舖.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
