近排啟德站附近新開咗幾個商場, 餐廳食肆選擇什多, 今晚同朋友去咗The Pantry Club, 主打西餐同甜品。 餐廳面積不大, 但座位舒適。落地大玻璃可以清楚見到外面跟運動場相連嘅觀景, 相信如果日後有比賽時, 都幾有氣氛。點擊圖片放大 +2 食物方面主食為多, 其中推介必食一定係佢地個甜品Pancake! 【Avocado Salmon Sourdough】HK$112酸種麵包, 煙三文魚, 牛油果醬, 糖心雞蛋, 甘藍菜, 蕃茄, Parmesan芝士, 配薯條酸種麵包微微烘過, 配搭上軟滑牛油果醬、糖心雞蛋、甘藍菜, 蕃茄, Parmesan芝士、鹹香煙三文魚, 同埋脆粗薯條, 豐富美味。 【Maple Bacon Cheese】HK$145安格斯牛肉, 楓葉漿煙肉, 芝士漢堡配薯條 Burger配料非常豐富, 夾著厚厚充滿肉汁嘅安格斯牛肉、甜甜地兼帶點焦香嘅楓葉漿煙肉, 再有清甜多汁薄蕃茄、芝士, 厚得要分層食, 脆薯條做伴碟, 份量足夠兩個人share食。 【Beef Cheek Bolognese】HK$158慢煮蕃茄牛面頰肉伴新鮮闊麵闊麵偏帶有口感, 每條闊麵平均沾上微微酸甜醬汁, 開胃非常, 而牛面頰肉林得可以一絲絲撕開, 帶有濃郁牛味。 【Banoffee Crème Brulee Pancake】HK$122厚Pancake, 香蕉, 拖肥醬, 雲呢拿吉士醬, 脆焦糖Pancake鬆軟度爆燈, 淋上了軟滑雲呢拿吉士醬, 令Pancake蛋味更為濃郁, 表面一層薄焦糖薄脆, 再有香蕉同士多啤梨伴碟, 賣相吸引, 整體唔會太甜, 推介!! The Pantry Club九龍城啟德承啟道38-39號啟德體育園啟德零售館3 G樓M3-005號舖.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong