早幾日特意book咗呢間有畫碟服務嘅餐廳同好姊妹慶祝生日, 成功送咗個surprise比佢, 仲開心到不停打卡。 提早預約時同餐廳講定想要嘅畫碟公仔同字句, 到店點甜品後所預訂嘅畫碟就會隨甜品送上, 呢個畫碟服務只係加$35, 一見到實物, 真心覺得抵到爛!! 畫得勁似同好有誠意, 唔係hea畫, 真心推介!餐廳燈光昏暗, 營造了浪漫高檔氣氛, 適合慶祝任何紀念嘅大日子。 食物款式多, 以西餐為主。【蜜桃果肉芝士奶蓋】HK$48經幼滑芝士奶蓋入口, 飲品味道清香回甘, 蜜桃味幾出, 仲有好幾粒香甜多汁蜜桃粒食。【香芋芝士奶蓋】HK$48成杯淺紫色配上奶蓋頂, 賣相好吸引, 加上香芋味濃, 芝士奶蓋味突出, 絕配! 【煙三文魚凱撒沙律】HK$98新鮮爽脆沙律菜, 加入了芝士碎、沙律醬, 配上幾片鹹鮮三文魚, 感覺清新。 【滋味小食拼盤】HK$138炸物鬆脆不油, 吉列蠔多汁, 魷魚爽彈唔硬, 粗薯條加上軟滑芝士, 正! 炸雞雖然外層不算脆, 但肉質嫩又keep到肉汁。 【西西里龍蝦汁海鮮鐵鍋燉飯】HK$198燴飯好入味, 每粒飯粒平均被包住西西里龍蝦汁, 龍蝦汁味濃又creamy, 甘香鹹鮮, 非常惹味, 配上大量海鮮, 包括蝦、青口、蜆、墨魚仔, 豐富滿足。 【秘製北京烤鴨薄餅】HK$148薄餅為薄批, 每件Pizza都有一件薄嘅鴨肉, 加上了芝士同埋平時食片皮鴨嘅配菜, 例如京蔥、青瓜絲, 整體烤鴨醬味偏重, 有鴨肉香, 真係好似食嘅正宗片皮鴨咁。 【開心果奶蓋巴斯克芝士蛋糕(半件)】HK$98/半份 (加字/圖案 另加$35)提早了預訂Duffy公仔, 原先無期望畫出黎嘅公仔會有水準, 點知一上檯令人surprise, 畫咗幾個角色仲要勁似!! 餐廳仲送一張即影即有相比我地留念。單憑呢個畫碟都令我地瘋狂打卡。開心果巴斯克芝士蛋糕流心, 加上了幼滑奶蓋, 口感creamy唔會過甜, 亦不會太重口味。 Homeland旺角彌敦道726號19樓.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong