假日同朋友到尖沙咀一帶影聖誕裝修, 然後走到廟街附近搵食, 經過見到呢間小店「TERA」, 被門口Menu嘅梳乎厘、班戟吸引咗入去, 果然除咗梳乎厘班戟, 就連主食同飲品都令我地好滿意! 小店面積小, 裝潢幾有和風, 【芒果生椰乳】HK$58芒果味濃郁, 有粒粒爽滑嘅椰果, 整杯口感香滑唔會過甜。【草莓番石榴乳酪配草莓果乾】HK$48草莓番石榴加乳酪酸酸甜甜, 好fresh, 解渴得黎又開胃。 【腰果煙三文魚青醬扁意粉】HK$118三片煙三文魚卷成花, 賣相吸引, 扁意粉軟硬適中, 平均沾上了creamy青醬汁, 夾集些少腰果碎粒, 帶點層次。 【日本漢堡扒炒蛋飯】HK$108漢堡扒好厚, 夠林又juicy, 炒蛋嫩滑多蛋汁, 放上大量木魚碎, 隨風飄揚, 賣相吸引又好食。 【法式燉蛋梳乎厘班戟】HK$138三件pancakes疊高, 鬆軟得躺下躺下上檯, 表面有層薄薄焦糖脆, 班戟口感輕盈, 簡直係入口即溶, 散發陣陣蛋香蛋甜, 大愛推介!! 【窩夫 開心果】HK$128窩夫外層微脆, 內裡鬆軟, 配上一大舊佈滿開心果醬嘅忌廉、開心果仁、堅果碎, 不失層次。 TERA 佐敦廟街273-285號寶發大廈地下4號舖.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
