雖然未到聖誕, 但香港到處充滿聖誕氣氛, 今晚同朋友去完囍帖街打卡, 就去咗QRE Plaza其中一間西日Fusion菜食dinner。 餐廳內外已佈置聖誕裝飾, 什有節日氣氛。 我倆揀咗其中一款套餐, HK$298/位 (另加一) 先送上沙律, 套餐包含了野菜沙律, +$38升級魚生沙律: 角切魚生份量多, 除了加了酸甜柚子汁沙律菜做底, 啖啖都食到魚生粒。 前菜為是日海鮮: 焗扇貝扇貝多汁, 配上了木魚絲, 鹹鮮美味。 前菜 +$48升級: 磯煮南非鮑魚鮑魚經慢煮了8小時, keep到肉汁, 微微煙韌帶少少甜。 是日餐湯: 忌廉湯, 口感creamy, 忌廉味重。 自選主菜:刺身丼擺盤賣相吸引, 有六款刺身包括鯛魚、灸燒左口魚、三文魚、帆立貝、赤蝦同埋卷住了紫酥葉嘅魷魚, 每款刺身都很新鮮, 配上壽司飯, 美味飽肚。 寶雲酥羊架:羊架肉汁豐富, 肉質嫩滑, 有陣陣羊羶香氣, 表面附帶著炸粒, 酥脆有層次, 推介!! 是日甜品: 朱古力布甸彈滑不太甜, 伴上多汁香甜雜果粒, 增添賣相色彩。 Misu Seafood Cuisine灣仔皇后大道東202號QRE Plaza 26樓.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
