幫襯咗多年嘅人氣韓國料理餐廳「Bingo & Cook」由駱克駅搬到京都廣場, 環境更寬敞, 以韓國街頭大排檔風做主題, 設唔少打卡位, 而且食物款式種類更多選擇。點擊圖片放大 +2 入座即送上韓式小食, 自行SCAN QR code落單。 【50cm韓式海鮮鍋】HK$380 (可自選辣度)擺盤上檯都好有儀式感, 用兩個gas爐先足夠承托住呢個長50cm長不銹鋼鍋, 承載著滿滿海鮮, 鍋內放了多款海鮮, 包括扇貝、原條魷魚、虎蝦、沙白、青口、蟹同埋鮑魚, 所有貝類都冇沙, 虎蝦幾大隻又爽口, 鮑魚已被去除內臟, 而且爽口有鮮味; 但蟹雖然大隻, 不過肉質不是一梳梳嘅實肉, 鍋內仲有大量大豆芽、鮮菌片、娃娃菜等....盡吸湯汁, 微辣惹味。點擊圖片放大 +2 【豬肉飯湯】HK$138湯底味道富有鮮肉香, 非常惹味, 材料豐富, 包括有好林同盡吸了湯汁嘅豬肉片、豬脷、有軟骨嘅豬耳同埋韮菜, 口感層次豐富, 加入米飯, 滿足飽肚。 【炸醬麵】HK$120麵條Q彈, 炸醬甜甜的, 足夠撈起整個麵, 口感creamy, 正! 【Bingo特製紫菜包飯 (芝士+牛肉)】HK$80餡料非常豐富, 紫菜包裹住牛肉、紅蘿蔔、青瓜、小黃瓜同埋蛋絲, 口感層次豐富。 【炸蝦紫菜包飯】HK$75吉列炸蝦、紅蘿蔔、青瓜、小黃瓜同埋蛋絲, 炸蝦被飯卷住, 還是脆脆的, 口感層次更顯豐富。 Bingo & Cook銅鑼灣駱克道491-499號京都廣場2樓.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong