又係榴槤當造季節, 平時係街市買一個榴槤價錢唔平, 同家人分享就更加唔夠喉。網上無意中發現原來之前幫襯過旺角呢間「御滿屋日本料理」日式放題, 推出期間限定免費升級無限任食馬來西亞榴槤, 咁吸引絕對係要帶埋媽咪去食餐勁! 平日晚市五點入座, 最BASIC嘅套餐每位價錢三百蚊有找, 回本率高。入座起計任飲任食兩小時, 雖然係最BASIC, 但同樣可以任食多款刺身、壽司、炸物、串燒等等...就連期間限定嘅馬拉榴槤都係任食!!!點擊圖片放大 餐廳設多個卡位, 坐得舒服, 大部份食物均以Scan QR code落單, 食物都上得幾快幾齊, 另有自助區供部份熟食、冷盤、爆谷。點擊圖片放大 飲品方面款式多, 罐裝果汁、汽水、啤酒、紙包飲品、梅酒、清酒..... 馬拉榴槤分別有烤/不烤, 核比較大粒, 不過可以多食幾件, 都唔太在意, 烤榴槤表面稍為有d乾身煙韌, 不烤的為冰凍溫度, 口感奶滑偏腍, 非常香甜。 榴槤炸彈: 炸得外脆, 內有流心香甜嘅榴槤餡料。 刺身款式包括有三文魚、希靈魚、油甘魚、劍魚腩、帶子、甜蝦、赤蝦、角螺、北寄貝, 所有都好新鮮 另有壽司。 蒜蓉燒生蠔: 放咗大量蒜蓉係面再火灸, 帶少少燶, 不過螺仲keep到多汁。 天婦羅炸蝦: 外層鬆脆, 內裡隻蝦仲係微爽 鹽燒牛舌: 牛舌比較薄身, 不過入口軟嫩爽口多汁 雞軟骨: 口感爽脆焦香 串燒蝦: 有d痴殼, 唔太新鮮 牛油粟米粒: 牛油味香濃, 粟米香甜多汁, 加咗少少蜜糖, 提升甜度 燒有機菠蘿: 清甜微酸多汁, 岩哂食放題期間開開胃 竹笙瑤柱蟹肉羹: 口感順滑, 味道同平時係酒店食翅差不多 薑蔥炒花蟹: 肉質偏林, 不過薑蔥炒又幾惹味。 甜品方面, 自助區放有甜點、大量款式嘅雪糕、雪條, 其中Häagen-Dazs雪糕杯都係無限任食!!!超抵!點擊圖片放大 御滿屋日本料理旺角彌敦道655號胡社生行1樓其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
