假日下起暴雨, 破壞原定北上覓食計劃, 唯有轉移陣線留港食放題。選址觀塘廣場15/F嘅「校長燒肉日韓料理」放題, 晚市由五點開始, 盡享燒烤、火鍋、熟食等...入座起計兩小時任飲任食, 包刺身價錢都係貴二十蚊, 而且7:30前離座, 更為抵食。 餐廳空間感大, 設大型自助區, 所有食物同飲品均自助形式取, 補給快, 未出現過搶食/吉盤, 真係可以密密拎, 密密食。點擊圖片放大 7款刺身選擇, 由店員負責配給, 每次可選三款, 三文魚厚切有魚香, 馬刀貝好爽口, 赤蝦肥美爽口唔腥。另有數款壽司。 冷盤區除了有數款冷盤小食, 仲有沙律 熱食區款式唔多, 其中有炸物、數款小菜、蒸點心點擊圖片放大 火鍋方面, 自選湯底, 火鍋配料款式多, 蔬菜類、粉麵、丸類、多款肉類等等....大部份配料都適合燒烤。點擊圖片放大 +3 驚喜地呢度嘅肉類同雞翼都醃得入味, 尤其係咖哩雞翼, 咖哩味重;燒烤爐面佈上了牛油紙, 避免係燒烤過程容易痴底。 西冷牛肉同埋豚肉都好林, 但魚柳偏鹹。 粟米粒同埋金菇放於小鋁盤中燒, 菇菌中加咗少少牛油, 熱溶後吸了牛油, 更加美味。飲品方面, 款式選擇多, 放了多個合併雪櫃。 甜品同樣款式選擇多, 生果冰、雪糕雪條、台式冰粉、小糕點等等....點擊圖片放大 +2 生果冰正好食完熱辣辣燒烤後, 為口中降降溫, 清新一下口腔。 校長燒肉日韓料理 (觀塘廣場)觀塘開源道68號觀塘廣場15樓B號舖.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
