煲仔菜為北上其中必食之一, 到珠遊旅遊亦唔少得要食返餐, 選擇了---咬金煲仔皇。 以我所知, 呢間煲仔菜暫時係珠海以外未有分店, 第二就係網上做過下research見食評唔錯, 所以今趟旅遊就決定試呢間。呢間餐廳係珠海有數間分店, 晚市人流旺, 為避過等位潮, 我地就係餐廳開門不久, 入去食個lunch。到了其中一間分店吉大店, 近門口展示了多個煲仔, 再配合木系檯椅, 很有中式傳統感覺。點擊圖片放大 餐廳同樣有美團套餐選擇, 不過所包含嘅款式不太吸引, 所以我地散點咗幾款share。【招牌生蠔啫啫煲】RMB108一煲有十隻蠔左右, 每隻均為脹卜卜, 個汁鹹香微辣, 惹味提鮮, 再加咗d莞茜, 更顯香氣。 【原創黃鱔啫啫煲】RMB68同樣有香氣, 不過黃鱔偏林, 帶骨肉少, 唔抵食, 不建議order。 【蒜蓉香矛焗蝦】RMB78開邊蝦可算厚肉, 肉質爽, 配有大量蒜蓉, 好惹味, 香氣十足。 【蝦醬啫通心菜梗】RMB35熱辣辣上檯都仲可以即席炒幾下, 香氣樸鼻, 通心菜梗好爽口, 不過蝦醬味就唔太重口味。 【牛肉窩蛋煲仔飯】RMB42呢度嘅飯用上金象米, 飯更為軟熟有米香, 煲仔夠熱, 能剷出金黃脆卜卜飯焦; 牛肉絲被茨汁包住, 食落幾滑, 配有能流出蛋汁嘅太陽蛋, 加入餐廳秘制煲仔飯豉油, 唔錯。 茶位費 RMB2/位.咬金煲仔皇 ·啫啫煲·煲仔饭(吉大店)吉大路2号东乐星天地一楼營業時間: 星期一至日 11:00-14:30; 17:00-21:00.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
