趁住長假期最後一天, 同屋企人決定盡情大吃一番, 走到旺角放題集中地兆萬中心, 選擇了其中一間日料放題餐廳「極上帝王水產」, 晚市入座限時兩小時任飲任食。 餐廳地方不大, 密集式卡位座位, 還好scan QR code落單, 不用四周走動, 只有飲品同埋甜品需自行到自助區自取。 飲品方面有罐裝同紙包選擇。 每位入座均享: 鱈場松葉海鮮鍋或日式和牛壽喜燒鍋一份 (不過我地較有興趣集中狂食刺身, 所以我地都放棄咗呢款) 食放題最滿足就係order大大盤刺身。呢度刺身款式選擇多, 其中最討我歡心就係三文魚、肥美帆立貝同埋爽口馬刀貝, 價錢升級仲可以任食肥美大赤蝦、生蠔、海膽軍艦, 微甜爽彈唔硬嘅冰震鮑魚等…. 點擊圖片放大 壽司同樣款式多, 火灸、軍艦都有。火灸三文魚壽司, 迫出部份魚油, 入口軟滑有魚油香。油甘魚壽司味道甘香。芥末八爪魚軍艦口感有層次。 燒牛油粟米, 牛油滲入粟米粒之間, 令牛油味很突出。 炸物嘅榴槤炸蛋, 表面香脆不油, 入面嘅榴槤流心餡料仲飄出陣陣榴槤香。 燒物嘅焦糖菠蘿, 表面有薄薄一層焦糖薄脆, 菠蘿甜酸多汁, 岩哂放題時開開胃。 串燒蝦唔會燒得過份乾, keep到少少肉汁。 甜品方面有多款日韓特色雪糕雪條任食, 點擊圖片放大 而升級套餐每位更可免費享用一杯Haagen-Dazs雪糕。 極上帝王水產 旺角西洋菜南街1N號兆萬中心9樓.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
