啟德AIRSIDE匯集多個不同國家菜式, 今晚就選擇了朋友至愛嘅意大利菜。 餐廳面積不大, 座位不多, 但裝潢佈置, 什至地板都充滿意式風情。 提供各式小食、主食、Pizza等…. 餐廳所有員工均為外籍人士, 恍如置身外國一樣。 【Prawn Popcorn (6pcs) 】HK$62即炸大蝦炸得金黃, 不會過油, 外層酥脆, 蝦肉扎實爽甜, 配上沙律醬食, 味道更提升。 【Truffle Ricotta Ravioli in Truffle Cream】HK$148餛飩皮雖然厚, 肉餡料又比較少, 不過松露忌廉汁嘅味道香濃突出, 搶返唔少分數。 【Smoked Salmon (12 inch) 】HK$198呢度製作嘅PIZZA均為超薄批, 餅皮上加上了茄醬、兩款芝士, 再密集式佈上煙燻三文魚, 灑上了酸豆, 整體鹹香美味, 啖啖都食到煙三文魚, 夠哂足料!! 【Caramel Cascade】HK$48沙冰打得幼細creamy, 焦糖味濃郁唔會太甜, 配上面層嘅cream, 口感更順滑。【Vallilla Virtex】HK$48同樣順滑口感,杯邊以彩虹朱古力碎做陪襯, 從杯邊飲用, 邊食到朱古力碎, 同時飲到香濃雲呢拿味。 【Tiramisu】HK$48面層有士多啤梨, 藍莓, 薄荷葉襯托, 陣陣咖啡、朱古力、冧酒味, 質感近乎入口即溶, 正! 餐廳每日新鮮製作不同口味Gelato, 【2 Scoop Cup】HK$68upgrade to a waffle bowl with any two toppings +HK$18揀咗開心果同埋香蕉忌廉, 配上waffle同埋自選兩款toppings, 賣相更加豐富吸引。兩款Gelato味道同樣濃郁突出, 口感絲滑細膩, 配上toppings, 令口感更有層次。 .The Cipollini Pizzeria 九龍城啟德協調道2號AIRSIDE G樓G012號舖.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
