一直認為係香港食串燒都係得個貴字, 味道統一無驚喜, 點知今日同事帶咗我去汕頭街呢間日式小店, 果然有驚喜!! 呢間餐廳來自日本沖繩嘅居酒屋, 由日本人主理, 店面裝潢充滿日系感, 主要為吧檯座位, 更設有二樓少量座位, 感覺更有私隱。點擊圖片放大 可能因為餐廳員工大部份都係日本人, 服務招呼都係no.1, 環境氣氛同食物味道都仿如置身日本當地一樣。【沖繩豚耳】HK$48豚耳切成薄片, 配上少少洋蔥, 豚耳軟骨爽脆易咬開, 味道清新。 【吉列芝士火腿三文治】HK$58外層吉列炸皮鬆脆不會過油, 夾住火腿同埋creamy芝士, 芝士鹹香味十足, 配上爽脆生菜, 用以平衡芝士嘅濃郁鹹香。 【日本產白燒鰻魚】HK$98燒鰻魚皮脆香口, 魚質札實爽彈, 很有鮮香而且多肉汁, 加咗少少鹽更提鮮, 不過小心有小幼骨連帶。 【鹽燒三文魚腩】HK$108三文魚腩皮燒得皮脆, 加咗少少鹽係表面更加惹味, 肉質嫩滑多汁有魚香, 魚油豐富, 很推介! 【燒牛舌】HK$128牛舌有點點厚度, 表面有油光, 帶少少焦香, 口感爽彈唔硬, 而且多汁, 配埋wasabi, 味道超驚喜! 串燒方面種類唔算多, 不過每款都很高質。【蘆筍豬肉卷】HK$43薄燒五花包住了較粗嘅蘆筍, 蘆筍清甜爽脆多汁, 完住平衡到五花嘅油膩。【鵪鶉蛋豬肉卷】HK$40 燒五花肉有肉汁, 包住了鵪鶉蛋, 整粒入口一咬, 除了散發濃郁蛋香、滿足口感, 仲平衡到五花肉嘅膩。【雞翼】HK$48表面燒得甘香香脆, 肉質幾嫩, 仲keep到肉汁, 連皮食, 食到淡淡焦香。【雞軟骨】HK$40 三角軟骨連帶少少肉, 軟骨超爽脆, 份量多, 滿足口感, 不過調味未有太突出, 自行沾鹽食, perfect! 【鰻魚炒飯】HK$98以小小鐵盤上檯, 然後再淋上蛋漿, 不過可能撞正鐵盤未算太熱, 淋上蛋漿時亦沒有預期嘅滋滋聲而散發香氣; 但鰻魚炒飯味道亦不差, 啖啖都很有鰻魚清香鹹甜, 撈蛋汁食, 口感濕滑一點。 YAKITORI KOBAKO灣仔汕頭街30號意適樓地舖.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong