今晚放工去咗黃埔等埋屋企人放工一齊食dinner, 一個人係附近兜咗個圈, 原來黃埔都開咗間「立鮨」, 係門口立過見款式多, 價錢唔貴, 值得今晚一家人試試, 果然冇令我地失望。 店內環境開揚, menu上除了多款壽司、刺身款式多, 仲有丼飯、小食等….壽司盛盒就更加抵食!點擊圖片放大 自行scan QR code落單, 發現更多其他款式, 例如串燒, 而且某D價錢同menu book上不一致, 店員指QR code的最為更新, 所以建議直接睇QR code揀野食。【炸富山灣小白蝦】HK$38小白蝦炸得好鬆化香口, 成隻蝦食落冇渣, 無論送酒定熱茶都係Perfect之選! 【特選三文魚盛盒】HK$68呢款盛盒完全滿足到三文魚控嘅我, 有齊五款不同配搭嘅三文魚。包括有三文魚壽司、三文魚腩壽司、火灸三文魚壽司、三文魚小卷、辣三文魚軍艦, 每款三文魚都很有魚香, 而且有dd厚度滿足到口感; 三文魚腩壽司爽滑; 火灸三文魚壽司上加了鹹甜沙律醬再火灸, 平衡了滲出嘅魚油, 超正! 辣三文魚軍艦嘅三文魚粒都幾大粒, 口感飽滿, 為重口味, 辣得過癮。 【立鮨壽司拼盤】HK$100包括有三文魚壽司、油甘魚壽司、北海道帶子壽司、珍寶赤蝦壽司、海膽軍艦。油甘魚壽司甘香鮮味, 以柚子胡椒點驟, 令鮮味更提升。北海道帶子肥美鮮甜, 珍寶赤蝦鮮甜爽口; 海膽creamy鮮甜味十足, 入口即溶。 【火灸海苔三點】HK$62包括有火灸牛油赤蝦海苔壽司、火灸牛油帶子海苔壽司、火灸左口魚邊海苔壽司。赤蝦跟帶子分別都掃上了牛油再火灸, 增加一點牛油香又唔會令食材乾身, 配以紫菜平衡一下牛油些微嘅油膩。至於火灸過嘅左口魚邊滲出魚油, 同樣用紫菜包住食, perfect match! 【香蔥三點盛盒】HK$52將刺身製作成軍艦嘅食材同樣足料, 呢個盛盒包括了香蔥油甘魚軍艦、香蔥三文魚軍艦、creamy有魚油香嘅香蔥吞拿魚蓉軍艦, 每款加咗少少芝麻, 有點香口。 立鮨紅磡必嘉街120號黃埔天地第三期百寶坊地下G9號舖.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
