假日相約好姊妹到尖沙咀shopping, 無意中發現K11 Art Mall新開咗間日本料理餐廳, 正值lunch hour時段推出多款lunch set, 擇日不如撞日就直接入去食返個lunch。 餐廳環境乾淨企理, 食物款式選擇多。 尖沙咀K11 Art Mall新開咗間日本料理餐廳, 散點款式選擇多, lunch hour時段仲推出多款lunch set, 更加抵食! 【三文魚腩刺身】HK$80刺身帶點點厚度, 魚質爽滑, 很有魚油香。 【炙燒三文魚卷】HK$68非常有層次的一個卷物, 飯卷中卷住了爽脆生菜同埋明太子, 面層佈上火炙三文魚, 滲出魚油, 滿有油光, 再以三文魚籽做點驟, 整件入口不但有魚油香, 而且層次豐富。 另外order咗兩個lunch-set, 每個set都附有味噌湯同埋沙律菜。【蒲燒鰻魚丼】HK$158鰻魚燒得金黃, 肉質微微爽彈, 表面平均掃上鰻魚汁, 鹹甜美味又帶微微焦香, 同時仲食到鰻魚獨有嘅魚香; 飯底唔算多, 不過對於lunch份量, 係夠哂飽肚。 【精選壽司御膳】HK$188 包含了大拖、赤身、真鯛(柚子醬)、油甘、軍曹魚(海苔醬)、三文魚、墨魚、赤蝦、蛋、太極卷; 壽司飯握嘅力度剛好, 唔會太實/太鬆散, 每款壽司配搭都好新鮮, keep到本身肉汁同鮮香, 其中大拖嘅魚油極之澎湃, 超滿足! 呢個set仲跟一碗日本湯烏冬, 林滑烏冬配上清甜湯底, 不錯! 最後仲order咗個水信玄餅做甜品,配上適量嘅黑糖漿同埋黃豆粉, 甜度剛好。 雪村 Yukimura尖沙咀河內道18號K11購物藝術館1樓106號舖.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong