將軍澳近海嘅一間主打點心嘅餐廳---《DHYC Dimsum Restaurant》嘆一盅兩件。餐廳面海, 可以遠望將藍大橋, 視野廣闊, 邊飲茶食點心, 邊欣賞海景好寫意。點擊圖片放大 入座先選擇茶種, 揀咗【人參烏龍】HK$9味道清香回甘, 飲落令喉嚨甘甘地好舒服。 【窩貼蝦多士(4件)】HK$68蝦多士好鬆脆, 蝦膠帶少少彈牙, 有蝦嘅鮮甜味, 配有撈咗沙律醬嘅生果粒, 平衡了蝦多士嘅膩。 【鵪鶉蛋松露燒賣】HK$55燒賣皮薄鮮甜, 面層有少少松露點驟, 一咬中心嘅鵪鶉蛋慢慢流出蛋汁, 蒸煮時間掌握不錯, 美味推介! 【焗叉燒包】HK$38面層為菠蘿包皮, 整個包都好軟熟, 餡料香甜, 叉燒唔硬, 食得津津有味。 【蟹肉大良炒鮮奶】HK$148口感好滑, 間中為固體蛋白, 充滿濃郁蛋白香, 配有黑醋, 令味道更提升。 【西檸雞】HK$190炸無骨雞件香脆不油, 雖然連帶嘅肉唔多, 不過肉質不算好柴, 香甜微酸嘅西檸汁另上, 因應個人口味自行沾點, 唔會影響到雞皮嘅脆度。 茶位HK$15/位.DHYC Dimsum Restaurant將軍澳澳南海岸唐俊街23號Monterey Place 1樓2A號舖.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
