放假同朋友到荃灣影相打卡, 見差不多lunch時間, 就係附近搵好野食。無意中發現咗呢間主打火山石燒扒房小店, 原來係開張無耐, 見價錢唔貴, 就入去試試。 餐廳裝修簡約企理, 供應多款扒類選擇, 有安格斯牛仔骨、美國西冷、紐西蘭羊架、美國牛柳同埋美國肉眼等等, 跟套餐加$38, 追加炒意粉或芝士醬薯條、餐湯、餐飲同埋甜品。再豐富d, 加$58, 所包嘅餐湯會轉成酥皮湯, 餐飲再upgrade至特大杯裝, 真係好抵。每件扒可有四選一口味牛油, 有原味,黑松露,蒜蓉同埋鵝肝四選一,牛油放在扒上慢慢被熱溶滲入扒中, 令其更加惹味。 餐湯係忌廉湯, upgrade就多咗層酥皮, 酥皮薄脆鬆化, 不過個湯就好淡味。 【美國牛柳】HK$148牛柳超厚切, 色澤鮮紅, 係熱辣辣石燒板上慢慢滲出血水, 肉質有彈性, 肉味濃郁。可以自行燒至喜歡熟度, 燒至5成熟, 肉汁豐富, 自選揀咗鵝肝牛油, 滲透油脂香, 更加好食! 【美國肉眼】HK$158兩大塊美國肉眼扒, 厚薄適中, 肉質有彈性,入口軟腍多汁,同埋味道甘香.揀左黑松露牛油, 肉眼扒配上黑松露牛油, 細味有淡淡黑松露香, 不過又唔會搶走到肉眼扒的鮮味,絕配。 跟餐有意粉, 意粉份量足, 配上煙肉, 好惹味! 餐飲: 青檸梳打: 啖啖青檸味的梳打, 消暑解渴真係一流。雜果賓治: upgrade版真係超大杯, 甜度剛好。 另外散點order咗【芝士醬煙肉薯條】HK$48粗薯條襯芝士醬同埋煙肉真係好夾, 大大份, 岩哂share食。 最後送上甜品---朱古力味雪糕, 朱古力味極濃, 但唔苦。 .DAY22 STEAK荃灣聯仁街28號康睦庭園2座地下3號舖.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
