同事到港工幹快接近尾聲, 返回英國前話想食多餐日本料理。於是放工就去咗銅鑼灣美食集中地嘅登龍街搵食, 行咗個round後無意中發現永光中心有間新開嘅日本餐廳「究極堂」, 即時search OpenRice, 見評價唔錯就決定上去試試, 果然冇令我地失望。 餐廳面積不大, 環境裝修, 加上暗淡燈光令氣氛高檔。 食物方面, 款式都幾多, 各類刺身、壽司、卷物、pizza、串燒、小食、丼飯等…每樣有d, 另外仲有多款酒精飲品同無酒精特飲。【究極海鮮杯】HK$98刺身逐層疊起放於透明杯中, 精緻又吸引, 包括有黑魚子、吞拿魚蓉、甜蝦、蟹肉、三文魚子同埋柚子果凍, 每啖口感綿密, 啖啖鮮味, 口感、味道同樣豐富。 【究極丼】HK$218擺盤吸引又豐富, 刺身好新鮮, 包括有肥美鮮甜爽口大赤蝦、厚切三文魚、油甘魚、鮮甜帆立貝、海膽、三文魚籽、吞拿魚腩蓉; 而飯底用上特色赤醋飯, 其中加咗芝麻, 另加上雞蛋漬撈入飯底, 令口感濕潤又帶香口。點擊圖片放大 【明太子芝士玉子燒】HK$78玉子燒卷住了些少芝士, 蛋汁豐富, 散發淡淡蛋甜同蛋香味, 配上蟹籽增加層次感。 【忌廉薯餅】HK$38薯餅外層不油膩, 口感香脆, 內有綿密香濃嘅忌廉。 Order咗兩款炸蝦卷物, 雖然壽司飯包住了炸蝦, 但炸蝦依然香脆鮮甜爽口, 【醬燒三文魚炸蝦卷】HK$58面層放上火灸過嘅醬燒三文魚, 再加上些少芝麻醬汁, 鹹甜美味。 【4重芝士炸蝦卷】HK$48炸蝦卷內還卷有cream cheese, 面層再放上經火炙過嘅芝士, 整件入口, 淡淡奶酪芝士令整體味道更提升。 .究極堂銅鑼灣登龍街28號永光中心11樓.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
