高質串燒專門店「炭火Dining 炎」, 絕對值得同大家分享! 所有串燒經炭火即燒, 上檯即食, 雖然款式唔算多, 但質素幾乎是無可挑剔。點擊圖片放大 【黑毛和牛舌芯】HK$168牛舌芯厚切爽彈, keep到豐富肉汁, 灑咗少少黑椒調味, 食落更加惹味。 【白鱔】HK$78鱔肉厚切肥美, 魚質微彈, juicy有魚鮮味, 皮燒得香脆, 面層再加上山椒粉, 更為惹味; 不過稍嫌太多幼骨, 食嘅時候要小心。 【雞皮虎蝦卷】HK$108賣相脹卜卜, 雞皮燒得金黃香脆, 包住了紫蘇葉再卷住了虎蝦, 虎蝦超肥美, 完全滿足口感, 而且爽口鮮甜, 清香紫蘇葉平衡了雞皮僅餘嘅油, 超級推介!! 【白粟米】HK$42坊間很少用到白粟米做串燒, 對比黃粟米, 味道更為清甜多汁, 掃上了燒汁再燒, 意想不到嘅好食, 同樣推介! 【煙燻帆立貝】HK$88/隻帆立貝經蘋果木煙燻, 上檯時再用備長炭喺面「辣一辣」, 令表面脆少少; 帆立貝燻得金黃, 煙燻味濃郁, 咬開入面仲keep到些少刺身口感, 食到煙燻嘅鹹香同時又有刺身嘅鮮甜。 【煙燻鵪鶉蛋】HK$48表面好似有層少少煙韌嘅薄膜, 散發淡淡煙燻香, 甘香可口。 【雞中翼】HK$58雞翼燒得帶少少焦濃, 有淡淡炭香味, 外層香脆, 肉嫩多汁。 【雞胸軟骨】HK$48 軟骨香脆又爽脆, 送酒一流! 【雞膝軟骨】HK$42呢款對比雞胸軟骨口感會再硬一d, 同埋爽脆。 主食:【豆乳牛肉咖哩烏冬】HK$88湯底超有驚喜, 豆乳味濃郁, 口感順滑, 同時又散發咖哩香, 有少少牛肉碎, 烏冬又滑又林身, 盡煮湯汁, 正啊! 至於甜品都係餐廳自家制:【紫蘇葉雪葩】HK$38加入了紫蘇葉制成雪葩, 味道坊間少有, 味道酸甜, 入口即溶, 散發住清香紫蘇葉味。食完一陣子, 口中仲keep到紫蘇葉清香。 .其他價錢參考:燒豆腐 HK$48 紫蘇豚肉卷 HK$48 免治肉棒 HK$65 雞皮 HK$48 雞頸肉大蔥 HK$48 羊架 HK$98 雞腎 HK$42 炸池魚BB HK$68 .炭火Dining 炎灣仔謝斐道392-402號維新大廈地下B及C號舖.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
