唔洗挨海鮮價又食到蟹煲, 吸引今趟專程一試!呢間老店主打蟹煲, 平日晚市座無虛席, 可見人氣度爆燈!!點擊圖片放大 +2 必點【元氣組合套餐】RMB236套餐包括了三款人氣必食--肉蟹煲、皮蛋豆腐、火焰小八爪 肉蟹煲可自選辣度, 店員指如果揀唔辣, 可配XO醬, 但還是有少少辣。 建議港人都係揀少辣, 辣度嘗可接受, 辣得惹味!蟹煲分別有四隻肉蟹仔、雞腳、原隻蝦、薯仔、粟米、娃娃菜, 所有食材都盡吸咗辣汁, 非常入味, 每件蟹雖然細隻, 不過都食到少少蟹嘅實肉, 唔係水汪汪質素, 沾上辣汁, 惹味開胃! 蝦仲幾爽口彈牙!.冷盤皮蛋豆腐: 軟滑皮蛋配豆腐薄切, 豆腐滑得入口即化, 凍食剛好為噴火嘅口降溫。 .火焰小八爪:用小火爐滾起即食, 入面有好幾隻原隻八爪魚、金菇, 八爪魚有少少辣, 爽口。點擊圖片放大 .【川味口水雞】RMB28口水雞已被去骨, 切得有如雞絲般幼少, 雞絲幾嫩, 沾上更多辣油更惹味。 .【奧爾良烤雞翼】RMB26雞翼烤得香口, keep到肉汁, 外皮鹹鹹地, 送酒不錯! .【蒜蓉蝴蝶蝦】RMB38同樣用小火爐滾住, 落咗大量蒜蓉, 令爽口蝴蝶蝦更提鮮, 墊底粉絲盡吸了精華, 雖然感覺有d油, 但我又幾中意重蒜蓉味。 .【清蒸海鱸魚】RMB46海鱸魚開邊, 魚質好滑, 豉油只係少少鹹, 整體味道清清地, 夾埋香蔥更加正! .入座每位可加RMB6.6即可享用自助任飲,包括有汽水、果汁、果茶自由斟, 食辣野係絕對需要野飲去解辣, RMB6.6係值得加!.老船長肉蟹煲（皇庭廣場店）地址: 深圳市福田區福華三路118號皇庭廣場L1層16-17號舖營業時間: 11:00 - 15:00; 17:00 - 21:30.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
