應承咗表弟仔考完試帶佢盡情食返餐, 知道佢中意食生蠔同海膽, 又要滿足到佢大胃口又唔想太傷我荷包, 即刻諗起銅鑼灣瀛豐放題料理專門店。任飲任食放題, 額外加$138升級, 即可任食海膽帶子、日本兵庫縣生蠔同生啤。 最近由同座大廈一樓搬上了三樓, 地方坐得舒服同闊落得多, 而且多增設了冷盤自助吧。點擊圖片放大 +2 食物款式眾多, 刺身、各款壽司等佔大半, 另有日、泰熟食料理, 食物主要scan QR code落單, 上檯速度快! 而飲品同樣多選擇, 汽水、果汁、茶飲都有; 升級價錢仲可以任飲「Stella Artois」同「Asahi」生啤。 食放題最大滿足感莫過於一坐低盡情狂點豐富刺身, 仙氣擺盤令刺身盤更顯吸引。刺身種類多, 包括有珍寶赤蝦、三文魚、油甘魚、希靈魚、八爪魚、冰山蚌、馬刀貝、北海道角螺、赤貝、醬油吞拿魚刺身、白玉貝, 魚類刺身均為厚切, 珍寶赤蝦超肥美, 爽口鮮甜, 啜埋蝦頭嘅膏都冇腥味。 日本兵庫縣生蠔: 雖然不是每隻都很飽滿肥美, 海水味極重, 放題質素黎講, 冇腥臭味已經幾有驚喜! 海膽帶子: 肥美海膽半開邊夾了少少海膽, 飽滿口感, 又食到帆立貝同埋海膽雙重鮮甜味, 正! 松葉蟹杯: Size比較細杯, 符合食放題可以試多幾款, 壽司飯佔少量, 有蟹膏、梳梳蟹肉同一口蟹鉗, 整體味道鮮甜。 任食款式還有海鮮類:串燒蝦: 表面加了些少鹽調味, 蝦殼冇痴肉, 鮮味彈牙。 天婦羅: 炸皮薄而不太油, 蝦肉爽口。 辣酒煮花螺: 螺肉香辣入味, 好林 泰式燒元貝: 燒得唔會太乾身, 加咗蒜蓉提鮮。 飛天炒通菜: 炒得好有穫氣, 通菜翠綠新鮮爽脆。 炸物方面食咗其中兩款, 同埋脆而不油。紫心香芋丸: 外層鬆脆, 入面芋泥甜甜的。 冷盤方面食咗螺肉、芝麻八爪魚同埋海蜇頭, 唯獨嫌海蜇頭口感過硬。 甜品方面以自助形式取,有多款小糕點、雪糕、雪條。其中榴槤糯米糍最討我歡心, 外層軟糯, 入面有香甜榴槤肉, 正!點擊圖片放大 .瀛豐放題料理專門店銅鑼灣駱克道491-499號京都廣場3樓.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
