升職加薪總會帶丫姨去食餐好, 今晚我地品嚐咗餐幾高質嘅法國菜, 好食得絕對要同大家分享。 餐廳鄰近北角港鐵站出口, 行過對面馬路就到。餐廳門口比較低調, 但內裡別有洞天, 環境配合燈光下感覺很有浪漫氣派。 只有晚市供應, 亦係omakase式法國菜, 需預早訂位, 廚師會以當日最優質食材為當晚食客準備晚餐。 價錢每位HK$1,580/位 (另加一), 初初意為食法國菜, 份量少會唔飽, 但今晚竟然會有飽肚感!! 先送上暖笠笠嘅餐包同牛角包, 牛角包外層超鬆脆, 內層軟熟; 而餐包上自行搽上牛油, 同樣出色。 Amuse Bouche: 賣相精緻, 名為炸粟米球, 多粒粟米粒用炸漿黏附炸起, 咬落去酥脆鬆化, 每粒粟米清甜多汁。 Crab with Jelly: 日本毛蟹蟹肉墊底, 配上入口即溶海膽、鹹香魚籽醬, 以啫喱狀日本高湯汁作調味, 酸尾尾, 令鮮味更突出。 Beef Tartare: 和牛他他, 選用了近江牛西冷部位, 肉質嫩滑, 冇筋連帶, 個汁甜甜地, 用紫菜包住食, 平衡到牛脂嘅膩。 點擊圖片放大 Tuna Cutlet: 吉列吞拿魚嘅中拖羅, 要讚一下油溫控制得好好, 吉列皮金黃鬆脆, 一咬外層鬆化內軟綿, 爆出豐富魚油, 配上豉油、芥末加強味道, 伴有菠菜, 助減少口中嘅油份。 Soup: 法式洋蔥湯, 面層芝士焗得金黃, 芝士味濃, 湯底香甜, 洋蔥盡索咗湯底, 好林,冇嗆口感, 整體唔會過鹹 Chargrilled Fish: 碳燒喜之次燒過都好嫩滑, 魚香味濃, 而湯底同埋蘿蔔用上喜之次魚骨熬煮而成, 湯質滑溜, 蘿蔔清甜夠滑, 驚喜。 Steak Sandwich: 和牛三文治, 選用了近江牛A5牛柳位置經碳燒表面, 牛林得黎有肉嘅彈性, 冇筋, 以烘得金黃微脆嘅包夾住食, 超正! 點擊圖片放大 Chicken Ramen: 雞白湯味道濃厚黏滑, 雞肉嫩滑, 糖心蛋軟滑流心, 麵質彈牙。 點擊圖片放大 Dessert: 自家制Mango mocha + 咖啡味奶凍 Mango mocha外層好軟滑有水份, 芒果做餡料, 香甜多汁。 奶凍入口即化, 清香而不澀嘅咖啡味同埋奶味同樣平均。 最後送上Tea or Coffee, 點了Earl Grey, 當拎起隻杯時, 又出現另一個驚喜, 杯碟上放了一小口brownie, 朱古力味超濃郁, 唔會太甜, 又冇苦澀。 . Le Bec Fin 北角馬寶道28號華匯中心地下8號舖 . 其他平台: Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/keresawong She.com: https://blog.she.com/keresawong/ 小紅書: https://www.xiaohongshu.com/user/profile/5b230759e8ac2b524de93a5e ESDlife: http://wow.esdlife.com/keresawong Weibo: http://weibo.com/keresawong
