上星期plan假日同朋友去尖沙咀shopping, 預先book定檯去埋附近嘅樓上打卡café食dinner。 無錯! 我就係因為呢個巨型月亮所吸引而黎, 估唔到食物都有驚喜。餐廳面積雖然唔大, 但擺位地方闊落, 坐得舒服。點擊圖片放大 巨型月亮放於餐廳正中, 晚間時段,餐廳昏暗燈光下, 仿月亮更加明亮, 啱哂打卡啊!! 尤其係晚間時段,餐廳昏暗燈光下, 仿月亮更加明亮, 啱哂打卡啊!!而食物方面同樣有驚喜!晚市供應Set dinner HK$788 for two (另加一)套餐包括了任飲意大利氣泡酒 (限90分鐘), 邊嘆美食, 邊飲酒, 幾咁chill~兩款頭盤同時上檯,西班牙火腿肉拼盤: 火腿肉鹹香適中, 哈密瓜香甜多汁, 夾埋一齊食, 味道很match! 煙三文魚他他 配牛油果藜麥沙律將牛油果同藜麥打成蓉, 面層加上煙三文魚他他, 口感超濕滑軟綿綿, 配搭清新健康。 小食(二選一): 火焰蒜片一口牛粒侍應將酒淋係牛粒周邊再點火, 牛粒從火光中漸漸呈現; 牛粒約有五成熟, 肉質好林, 而且超爆汁!點擊圖片放大 是日餐湯: 野菌湯, 野菌幼粒唔多, 味道偏淡。 主食(五選二):香煎北海道帶子蟹肉蟹籽明太子忌廉扁意粉:扁意粉軟硬剛好, creamy得黎個汁緊緊夠撈, 有唔少蟹肉、蟹籽、明太子, 蟹鮮味幾出, 唯獨帶子開咗邊較薄身, 未夠滿足。 烤美國Prime肉眼牛扒:肉眼size好大塊, 表面帶些少油光, 微微焦香, 自選五成熟, 內裡肉質嫩紅, 帶有肉汁, 配上秘製汁醬, 更提升味道。 點擊圖片放大 甜品 (三選二):Tiramisu: 咖啡香味濃郁, 口感幼滑 Cheese cake: 芝士味極濃, 質感creamy, 鹹甜平均。 套餐每位再包括了Coffee/Tea。 整體食物味道唔錯, 對於打卡café黎講, 可算有驚喜。餐廳面積唔大, 建議預先book檯。.MiLuna Cafe & Ale House尖沙咀漆咸道南115號達成商業大廈3樓.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong