放假同朋友去西環打卡, 仲帶咗我去食咗餐超好食嘅burger。朋友介紹呢間嘅burger質素有別於連鎖快餐, 所有漢堡扒都由100%純牛肉炮製, 亦選自草飼同埋不含抗生素或激素嘅牛肉, 配搭新鮮食材, 追求健康天然味道。 餐廳面積不大, 座位佔半數為水吧座位, 除了供應各款burger、少量小食同沙律, 仲供應多款酒精飲品、冷壓juice同埋coffee/tea。點擊圖片放大 先order兩杯冷壓果汁解解渴,【Heart Guardian】HK$68由菠蘿、橙、紅菜頭、梨mix up而成, 充滿濃郁果香, 有如fruit punch一樣。【Eye Protector】HK$68新鮮冷壓藍莓、紅提子、紅火龍果同啤梨，入口甜甜地絕對係健康之選！ 從menu上, 發現了其中一款幾有睇頭嘅burger, 就係由五層牛肉、五層芝士組合而成, 極之足料邪惡, 吸引了order。【The Beast】HK$248坊間罕見咁足料, 疊起了五層牛肉、蕃茄片、生菜, 半溶芝士跟五層牛肉溶為一體, 賣相極之邪惡! 每片牛肉表面被煎至焦香, 芝士嘅鹹香更能帶出香濃肉味, 牛肉有肉汁, 唔會太乾身, 整個包疊得太厚, 未能同時將所有配料入口, 只能分層咁食。 【Holy Crab Burger】HK$118 (Double)揀咗double size, 將主角軟殼蟹double up! 兩隻原隻軟殼蟹酥脆, 配上醃漬紅白蘿蔔絲、生菜、番茄, 以傳統瑪麗玫瑰醬作調味, 微辣惹味, 整體又有爽脆嘅層次。 【Chips】HK$28粗薯條, 即炸熱辣辣而不油, 份量仲幾多。 【Crispy Fried Chicken wings】HK$78雞翼酥脆不油, 肉質嫩滑juicy, 配有辣辣地嘅自家製醬汁, 刺激味蕾。 【Mocha】HK$42奶泡令入口口感幼滑順口, 散發陣陣咖啡香氣, 推介。 【Hot chocolate】HK$42質地細膩、香氣濃郁、口感醇厚 .Smash'd西環堅尼地城吉席街21號昌輝大廈地舖.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/She.com: https://blog.she.com/keresawongls/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
