小豬存錢筒 (韓文수정옥돌생소금구이) 首爾特別市麻浦區西橋洞331-1營業時間: 16:00-02:00 (周二、春節、中秋節公休)交通方式: 弘大地鐵站 8號出口步行約3分鐘去韓國旅行, 點都要食餐烤肉先至叫去過韓國,話說想食返d地道平嘅烤肉, 就去咗弘大呢間以石春做主題嘅烤肉店。 以石春取代傳統鐵板/網燒, 賣相幾與別不同。不過就冇預期中咁好食, 千萬唔好抱期望去, 簡單醫飽個肚就算。地方不大, 環境裝修簡樸地道, 座位唔算闊落, 平日入夜時間去, 只有一兩檯食客。 其中一幅牆擺放了好幾隻膠製小豬存錢筒, 迎合餐廳招牌名。 就連水壺中, 都放了好幾粒石春。 至於食物方面, 款式唔多, 只有牛同豬選擇, 點擊圖片放大 用明碳火燒, 再放咗一大盤石春堆做爐面, 建議唔好一次過order太多, 因為店員會一炮過倒哂上石春面去燒, 所有肉表面已經預熟了, 店員會協助燒同剪成一件件,石春傳熱快, 就算有店員協助燒, d肉都好快over cook,Order兩款冇被醃過嘅豬肉, 鞋十十、又硬又乾, 又冇咩味, 點擊圖片放大 調味牛肋條就還好, 醃製過甜甜地, 肉質幾林又冇筋,剪成一粒粒, 見中心位嫩紅就拿拿林拎起免得過熟。 另外多款無限refill韓式前菜, 其中泡菜係醃得最好食。不過大醬湯味道偏鹹。 .價錢參考:調味牛肋條 17,000W (約HK$119)烤五花肉 13,000W (約HK$91)豬扒 13,000W (約HK$91).其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawong/She.com: https://blog.she.com/keresawongls/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
