廣藏市場地址: 88 Changgyeonggung-ro, Jongno-gu, Seoul, South Korea (서울 종로구 종로4가 창경궁로 88)營業時間: 9:00 a.m - 11:00 p.m交通方式: 位於地鐵鐘路５街站8號出口 / 乙支路４街站旁三年後重臨廣藏市場, 估唔到疫症三年, 最沒有變化竟然係廣藏市場! 整個廣藏市場的十字街道, 依然開滿了美食車仔檔, 所賣的同樣都係多年人氣韓國小食, 而今次更發現了新美食--麻糬, 而且地點更易搵到, 價錢仲係比預期平!!! (一定要睇到尾)生牛肉、活章魚 每次我都會選擇呢間實體店品嚐, 勝在餐廳光鮮企理, 因為生吃而不敢take risk, 每次幫襯過都冇搞肚痛, 始終旅行都唔敢搵腸胃做賭博。點擊圖片放大 +2 【生拌牛肉】19,000W (約HK$133)肉質嫩紅新鮮, 跟生雞蛋撈埋一齊, 令口感黏滑, 配上少許雪梨絲, 每啖入口咀嚼時, 食到牛肉彈性同埋黏滑, 間中滲有香甜雪梨汁, 既清爽又有層次。 【活章魚】15,000W (約HK$105)上檯時已被切粒, 但仍然生猛郁動, 灑上了少許芝麻。入口啜吸感覺特別, 遇口水會鬆開, 不擔心啜力太強而難咀嚼, 口感超爽。 另外有三款小食, 可以選擇走到外面小灘檔食, 雖然每檔座位都偏窄, 但總算係一個體驗,通常我都會揀當時最多人佔座位食緊嘅灘檔, 所以每次都未必食返同一檔!點擊圖片放大 +2 【紫菜包飯】3,000W (約HK$21)賣相有如日本卷物壽司, 但韓式紫菜包飯嘅特色就係紫菜係林, 飯卷中只卷紅、黃蘿蔔, 配有麻油香帶微微wasabi嘅醬汁, 爽脆香甜又香口。 【魚糕湯】3,000W (約HK$21)熱辣辣滾住, 湯底真係用魚仔熬製, 份外鮮甜! 魚糕片盡索湯汁精華, 至於一粒粒嘅魚糕就唔係sell彈牙, 而係軟糯入味。 【綠豆煎餅】5,000W (約HK$35)偏向選擇市場中心位十字路口的一家, 旁邊有店舖座位可以坐住食, 而且我仲會落order時要求要即煎起。 過程中係油穫中幾乎半浸狀態, 但油溫夠熱的話, 煎起後表面香脆, 油份較少, 內裡嘅綠豆蓉夾集了芽菜, 點上甜酸汁, 幾正ga! 建議share食。點擊圖片放大 而最後就係疫後三年, 重返廣藏市場嘅驚喜!由地鐵鐘路５街站8號出口直行, 入口處就見到呢間小店, 門外總是排住長長人龍, 但放心人龍清得很快, 堅持唔好放棄一定要排啊! 人氣關係, 輕易就食到即製即炸!點擊圖片放大 +2 【麻糬】1,000W (約HK$7)外層有如香港食嘅沙翁, 表面平均沾上薄薄幼砂糖, 唔會太甜, 口感軟糯, 尤其剛剛炸起, 外脆內軟, 真係超正! 其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/She.com: https://blog.she.com/keresawongls/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
