明洞斯坦福酒店(Stanford Hotel Myeongdong)地址: 84 Namdaemun-ro, Jung-gu, 中區, 首爾, 04534, 韓國CHECK IN入住時間：15:00CHECK OUT退房時間：12:00雙人房價錢: 經trip.com訂購三晚酒店合共 HK$2,292.06 (兩張床) - (2023年3月中價錢)交通: 地鐵乙支路入口站8號出口機場往返酒店: 乘搭6015機場巴士 (ibis首爾明洞飯店站落車), 往前行見Apple store, 正是酒店側門, 通過行去另一邊門lift口 (搭lift上9/F為Stanford Hotel reception) 唔少人去首爾旅遊都會選擇其中之一的Shopping景點明洞, 雖然呢個區有好幾間酒店選擇, 但對於經營年期較高酒店, 我就不太討好。就係疫症期間嘅2021年9月, 位於明洞購物區新開咗間---明洞斯坦福酒店。 最近酒店嘅地鐵出口為乙支路入口站8號出口, 一直往前步行約一分鐘, 見到呢個球狀藝術品, 旁邊就係酒店入口處。 明洞斯坦福酒店地下層為Apple store, 前後門口亦不太顯眼 (不是正對大馬路方向) 於正門設兩部lift可達9/F reception, 酒店check-in時間準時 (當日我地近兩點左右到達, 未能成功提前攞房)點擊圖片放大 還好有行李寄存服務, 地區亦很近明洞旺區, 剛落機寄存行李, 再走到附近食個lunch。我地所揀嘅係兩張單人床, 酒店房面積不大, 不過放置打開了嘅行李箱, 依然有位置可以走動。 酒店供應支裝水, 提提飲用完唔好掉咗個膠樽, 連續入住三晚, 餐廳都冇主動補充新一支支裝水, 食用水可到每層lift口位的飲水機自行refill。但房間都有電熱水煲供應。點擊圖片放大 房間設有空氣清新機, 但不能著機, 我地放棄使用。 所住的樓層觀景開揚, 工作檯同埋床頭都設有充電插蘇, 夠哂方便。 不過就冇梳妝檯, 需要大鏡化妝就要入toilet/門口位嘅全身鏡。洗手間不是黑廁, 大窗口有百葉簾遮蓋 沖涼液、洗頭水、護髮素都有供應, 而日用品只供應風筒、毛巾、、化妝棉、棉花棒同埋一次性浴帽, 牙膏牙刷就要自己帶備。 酒店升降機於任何時段都需要住戶房卡拍卡先可以到達酒店樓層, 住得安心。 酒店設施設有洗衣房同埋GYM room, 而lobby亦放了小食之類供選購, 當然價錢會偏貴些少。點擊圖片放大 +3 整體評價:酒店舒適, 地理優勢唔錯, 相隔小巷街口就到達明洞旺區, 所以環境清靜之餘, 交通又方便。不過韓國旅遊剛復蘇, 對比疫症三年前嘅明洞, 賣衫小店只剩餘三、四間左右, 賣運動波鞋跟化妝護膚品牌子就有齊, 而賣小食嘅車仔檔就密集分佈兩條大街, 令街道依然keep住熱鬧人氣。.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/She.com: https://blog.she.com/keresawongls/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
