身為鐵路迷嘅表弟仔得知MegaBox開咗間鐵路主題壽司餐廳, 今晚放工就帶佢去潮聖打卡。餐廳門外已經有個仿鐵路站嘅打卡位, 廚窗擺放了玩具火車組合供售賣。 而餐廳座位旁均有輸送帶, 自行Scan QR code落單, 食物以小火車經輸送帶送到, 衛生兼有玩味, 深得小朋友喜愛。 【三文魚壽司(2件)】HK$24三文魚有魚香, 冇筋連帶, 魚質林滑得黎又唔係煤嘅口感。【三文魚腩壽司(2件)】HK$28相比下, 三文魚腩魚香味更為出, 口感更滑, 帶dd彈性。【油甘魚腩壽司(2件)】HK$32油甘魚腩帶些少厚度, 甘香鮮味。 【草燒三文魚刺身(3件)】HK$54三文魚刺身魚質偏林, 其中一小部份被燒過, 質感有少少乾身。 超推介呢度嘅福袋系列,【辣味三文魚福袋(2件)】HK$30腐皮釀咗少少壽司飯, 同埋大量微辣甜甜地嘅三文魚粒, 大啖入口, 腐皮甜甜地, 配搭很match。 【龍蝦沙律福袋(2件)】HK$30好幾粒鮮味龍蝦肉撈咗甜甜地嘅沙律, 配埋甜甜地嘅腐皮, 比起平時呢個食材配搭嘅軍艦, 更加好味。 【灸燒芝士皇帝蟹棒壽司(2件) 】HK$28小小一片芝士火灸後黏附著鮮甜皇帝蟹棒上, 滲出淡淡芝士香, 邪惡惹味。【灸燒左口魚邊(2件)】HK$24左口魚邊偏林, 帶有油光, 但魚味唔太出。 【芝士吉列蝦卷】HK$24壽司飯卷住了吉列蝦, 吉列蝦仲係脆, 面層佈上了經輕微火灸過嘅芝士, 內脆外軟, 滿足雙重口感。 【蔥吞拿魚腩軍艦(2件)】HK$26軍艦嘅紫菜仲係脆, 吞拿魚腩蓉口感綿密, 滲出淡淡魚油香。 【海膽醬灸燒帆立貝壽司(2件)】HK$38帆立貝肥美鮮甜, 面層加咗海膽醬再火灸, 做出微鹹提鮮調味。【赤蝦壽司(2件)】HK$28赤蝦不算肥美, 但口感味道爽甜。 【炸豆池魚】HK$28池魚細細條, 唔算過於油膩, 微脆甘香。 .隼九龍灣宏照道38號企業廣場5期Megabox9樓25號舖.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/She.com: https://blog.she.com/keresawongls/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
