通關後內地同事每星期都來港工幹, 盡地主之義當然同佢食餐飯, 今晚就帶咗佢去上環一間樓上特色餐廳食dinner。 呢間餐廳絕不起眼, 如非網上搜尋, 亦唔會知道呢間餐廳存在。餐廳主打英式中菜, 又多款調酒, 雖然食物選擇唔多, 但烹飪方式都加入了西化元素。 【Fruit punch】HK$70很有果香味嘅果汁, 橙同埋菠蘿味突為突出, 清新香甜。 【香酥鴨跟薄餅】HK$200片皮鴨就食得多, 以手撕雞方式呈現嘅香酥鴨, 又真係第一次見。香酥鴨被拆出梳梳鴨肉, 鴨皮香酥微脆, 肉質較為乾身, 熱辣辣粉皮放於蒸籠中, 每片都有牛油紙相隔, 避免粉皮間黏住, 自行將粉皮包住香酥鴨肉絲、爽脆青瓜條、京蔥, 再點少少甜醬, 粉皮薄而不韌, 餡料有層次, 相比傳統片皮鴨, 呢款冇咁膩。點擊圖片放大 【柚子西檸雞】HK$180無骨雞扒單面有黑白芝麻黏附, 柚子西檸汁另上, 個汁比較稀同埋淡味, 雞扒表面黑白芝麻令口感豐富同埋香口, 但嫌肉質較乾身。點擊圖片放大 .1908bc British Chinese上環文咸東街22-26號柏廷坊5樓.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/She.com: https://blog.she.com/keresawongls/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
