趁天氣仲係陰陰寒, 今晚同丫妹又再encore石鍋堂。係坊間食過好幾間石鍋, 但印象中唔係間間都可以做到石鍋滾滾下上檯。所以石鍋堂亦係我地bookmark會encore嘅餐廳。 正宗石鍋燒一定要熱辣辣、滾下滾下上檯食先過癮!旺角主打石鍋人氣小店 "石鍋堂" 回頭率高。八款手打鳥冬選擇, 配搭自選五款湯底, 總有一款啱口味另有石鍋飯、冷烏冬、追加配料、蛋包飯、茶漬飯、小食等… 最最最吸引嘅當然係呢度嘅石鍋手打烏冬【安格斯牛肉石燒手打烏冬】HK$82湯底揀咗和風咖哩濃湯, 上檯時湯底還是熱得滾下滾下, 咖哩香甜微辣濃郁, 非常惹味; 烏冬好滑帶少少口感, 新鮮嫩紅嘅安格斯牛肉放面, 熱辣辣湯底令牛肉滾至自己想食嘅熟度, 即時入口, 口感嫩滑。 +$8 追加粟米粒放入湯底配搭同時入口, 增加層次, 多一份粟米清甜。 【海鮮石燒手打烏冬】HK$86湯底揀咗魚介豚肉濃湯, 充滿魚介鹹鮮味, 海鮮包括有帶子、兩隻原隻海蝦、蟹棒、日式魚片、蠔, 蝦爽口實肉, 帶子大大粒, 所有海鮮吸了湯汁, 令每款海鮮夠哂入味。 餐廳樓面小, 座位有限亦唔算闊落, 要預時間等位啊! .石鍋堂旺角通菜街2A-2P號鴻光大廈地下D號舖.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/She.com: https://blog.she.com/keresawongls/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
