原本意為在西方國家食中菜會又貴又難食, 曾多次到過夏威夷的同事們介紹下, 就在呢間馥苑食咗餐抵食中菜, 雖然質素對比香港本地嘅唔算有驚喜, 但對於身在外國黎講, 叫做稍為令味蕾對中菜有d回憶。 一行十人, 大家食到飽飽都係HK$3,700左右, 仲有龍蝦食!酒樓分間成多間小套房, 大約放三張大圓檯, 三五知己約埋一齊食飯, 熱鬧得黎唔會太嘈。 侍應都為華人, 能以流利廣東話溝通, Menu亦有中英對照, 食物款式多。點擊圖片放大 +7 其中有幾款精選海鮮, 想不到在Hawaii食龍蝦比食白灼蝦平得多, 而且龍蝦係每隻計 (USD20.99/隻), 可選上湯/薑蔥/豉汁煮理。 蟹肉魚肚羹 USD20.95個羹好杰又足料, 魚肚好爽, 仲有梳梳鮮味蟹肉, 每啖都能豐富口感。 薑蔥焗龍蝦: (呢碟份量為3隻龍蝦)龍蝦稍為飛過油, 鎖住了肉汁, 肉質爽又鮮甜, 掛上了薄薄嘅薑蔥茨汁, 提升味道。 本島青衣魚 USD30/磅不是游水魚, 似乎係急凍。魚質偏林, 死魚預咗冇鮮魚味。 薑蔥爆生蠔 USD19.95生蠔不算大隻, 但薑蔥汁醬容易掛汁, 鹹鹹地幾香口。 咕嚕蝦球 USD19.95蝦球被炸過, 平均包住甜酸醬汁, 但炸皮依然keep到脆口, 蝦球好爽, 配有菠蘿肉同埋青椒。 鐵板黑椒牛柳 USD20.50鐵板熱辣辣上檯, 每粒牛柳都包住了黑椒茨汁, 肉質帶點咬口。 椒鹽鮮魷 USD17.50炸皮微脆, 魷魚爽而不硬, 椒鹽調味不是太重, 食到魷魚嘅鮮香。 薑蔥霸王雞 USD38/隻雞件幾嫩滑, 夾集蔥油食, 幾香口。 椒絲腐乳通菜 USD14.50通菜味道偏淡, 但每條菜都吸了鹹鹹地嘅腐乳汁。 三絲炒麵 USD14.95炒麵淋上了茨汁, 配料亦豐富了層次, 不過味道沒有太大驚喜。 .馥苑 - Fook Yuen Seafood Restaurant1960 Kapiolani Blvd, Honolulu, HI 96826美國Table Reserved by phone only: (808) 973-0168Lunch: 11:00 am - 2:00 pm || Dinner: 5:30 pm - 3:00 am(疫症關係, 關門時間暫改至10:00p.m).其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/She.com: https://blog.she.com/keresawongls/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
