假日同丫妹去旺角shopping, 疫症個案雖不斷上升, 但街上依然非常熱鬧。避開大型商場入面嘅食肆, 走到附近雅蘭中心, 其中一間主打意粉嘅西餐廳, 見價錢唔太貴, 就入去試試。 餐廳乾淨企理, 未夠六點人流唔多, 可以靜靜地嘆個dinner, 除了多款散叫野食, 其中仲有套餐選擇, 更加抵食! 【意粉狂熱二人套餐】HK$268 包括沙律、兩個自選餐湯、兩款自選指定意粉、甜品x 2、指定飲品x2 (+$12轉酒類飲品) 忌廉蘑菇湯:層次極為豐富, 每啖都充滿蘑菇碎粒, 蘑菇同埋忌廉味很重。 Caesar salad:爽脆沙律菜, 加入芝士粉、沙律醬、雞肉, 清新健康。 海老意粉配檸檬忌廉汁:幾隻爽口細蝦同埋車厘茄佈面, 令整碟意粉色彩配搭好吸引, 意粉creamy多汁, 麵質軟硬剛好, 加入咗檸檬汁有少少酸味, 食落更加開胃。 芝士肉醬千層麵:每層麵之間夾咗唔少蕃茄肉醬, 甜酸開胃, 肉味香濃, 再配少少芝士, 更為惹味。 是日甜品: 意式芝士蛋糕: 表面稍為乾咗少少, 但可接受, 有陣陣咖啡香味滲出。 兩杯飲品同樣揀咗凍水果茶, 果味偏淡, 甜度較低, 味道清清地。 【美式辣肉腸Pizza (small)】HK$68PIZZA厚薄剛好, 芝士配搭辣肉腸味道鹹香微辣。 【薯角】HK$28薯角未算炸至金黃, 外層keep至微脆, 點茄汁食, 不錯。 .意粉狂熱旺角彌敦道639號雅蘭中心2樓208號舖.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/She.com: https://blog.she.com/keresawongls/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
