天氣轉冷, 放工同朋友圍埋一齊打邊爐係最佳選擇。早排途經將軍澳見到Popcorn地舖新開咗間重慶火鍋店, 即時諗起麻辣湯底, 岩哂食完暖下胃。點擊圖片放大 餐廳環境開揚, 完全無焗促感。每張檯放有熱嘅麥茶同埋醬料架, 包括有香蔥、蒜、香油、豉油、辣油 - 茶位/醬油 $20/位 店員隨即送上紅棗雪耳糖水, 給味蕾一個準備品嚐麻辣火鍋。 湯底費 HK$38/位, 無論揀單鍋/鴛鴦鍋, 價錢都係一樣, 所以我地就揀咗鴛鴦麻辣鍋, 再加$20/位升級品嚐期間限定嘅羊肉湯底。 麻辣鍋可自選辣度, 揀咗普通辣度, 食落唔會過辣, 岩返港人口味。至於羊肉湯底, 味道清甜, 一d羶味都冇, 幾件好林嘅羊肉。 火鍋配料大多有半份/一份咁order, 岩哂我地人少少又想食多幾款嘅朋友。季節限定【晨洲生蠔(半份)】HK$88生蠔肥美脤卜卜, 有溫馨提示放入湯底3分鐘食得。熟後生蠔沒有過份縮水, keep到飽滿口感, 鮮嫩多汁。 【珊蝴蚌(半份)】HK$68【桂花蚌(半份)】HK$88兩款都很爽口帶鮮, 放入不同湯底, 令味道更提升。 【手打魚籽蝦滑(半份)】HK$58蝦滑略為彈牙, 有鮮甜蝦味, 夾集了魚籽, 稍為增加了層次。【手打豬肉貢菜滑(半份)】HK$48呢款滑不比蝦滑彈牙, 有豬肉香, 貢菜增加了層次。 【魔芋(半份)】HK$28有如蒟蒻般爽滑口感, 稍以湯汁調味, 不錯的素食。 【白鱔(半份)】HK$58白鱔有魚鮮味, 魚質爽口有彈性。 【美國牛板腱(半份)】HK$98牛板腱平均分佈了牛脂網絡, 肉質中間含有肉筋, 肉嫩中又帶少少肉筋嘅爽, 正! 【黑豚腩肉(半份)】HK$48豚腩肉色澤粉嫩, 帶有少少厚度, 唔會過於油膩。 .方叔叔重慶老火鍋將軍澳唐俊街9號POPCORN 2期地下G49號舖.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/She.com: https://blog.she.com/keresawongls/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
