一年一度海蠣節終於回歸喇~!海蠣節供應六種款式, 除了單叫, 仲有雙併價, 滿足海蠣迷。我地另外亦叫咗幾款人氣菜式share食。 鑽石山分餐廳分店環境闊落開揚, 坐得舒服, 平日晚人流都好旺, 晚飯時段全場爆滿。 【莆田扁肉湯】HK$28/位呢款湯很有特色, 皮係以豬後腿肉手工打成, 超薄滑, 每粒包成細細粒, 正好一啖一粒, 餡料帶有豬肉鮮香, 但稍嫌紫菜湯偏鹹。 【蝦苗頭水紫菜】HK$48一束束新鮮紫菜口感爽, 凍食酸尾尾好開胃, 加咗幾隻蝦苗做點驟。 【九轉小腸】HK$98豬腸卷得札實, 口感好爽彈, 鹵水醃得入味, 又唔會太重口味, 有小火興住, 暖暖地。 【莆田荔枝肉】HK$88即係咕嚕肉, 每粒咕嚕肉表面平均包住甜甜醬汁, 炸皮索咗個汁偏林, 肉質有彈性同富有肉香。 【福建海蠣煎】HK$119蛋餅煎得好薄, 突顯到海蠣份量, 每啖入口都有海蠣, 口感偏林身, 加入咗大量香蔥, 更為香口。 【莆田地道燜豆腐】HK$68豆腐冇加入石膏粉打磨, 食得健康; 豆腐混入了雞蛋、粉絲、洋蔥、蝦苗, 好林嘅花生, 豆腐口感唔係香滑果種, 味道帶有陣陣煙燻味。 【福建紅菇海鮮鹵麵】HK$118食材相當豐富, 湯底比較杰身, 鹵麵麵條索咗個湯底更入味軟身, 由於加咗紅菇煮, 整個麵偏粉紅色, 食材亦很豐富, 包括有兩隻爽口蝦、蟶子仔、豬肉片、豆卜仔、娃娃菜等, 足料豐富又飽肚。 .全線莆田分店 .平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/She.com: https://blog.she.com/keresawongls/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
