經過瓊華, 係樓下收到張「一鍋堂」嘅傳單, 火鍋放題絕對能滿足我地嘅肚餓程度 呢度供應三個套餐價錢選擇, 入座起計120分鐘任飲任食, 三款套餐價錢唔係相差太遠, 就揀咗最豐富嘅C餐高級澳州和牛套餐。 湯底款式有十多款, 仲有少量期間限定, 入座前選好湯底, 揀咗艇家一品魚湯鍋, 湯底中有蝦、魚肉、蜆、冬菜、咸菜, 味道很有鮮魚香, 唔會太濃覆蓋火鍋食材味道, 而且健康。 肉類同部份火鍋食材scan QR code落單, 食物黎得快, 一層層疊起上檯好滿足。 所有肉類都切得有dd厚度, 唔會太透薄。澳州M5和牛板肉: 網絡牛脂分佈, 肉質細嫩, 好林。 花雕辣安格斯牛肉: 色澤深紅, 肉質超嫩林, 冇筋, 熟後亦唔覺食到花雕酒味, 亦冇辣味。 美國安格斯牛肉: 牛脂相對少, 但肉質唔會好鞋。 封門柳: 油花細緻均勻, 平均分佈肉質纖維, 有少少口感 牛利心托: 薄切烚後都好滑 豚肉嘅脂肪比較少, 所以食多幾碟都唔覺膩 海鮮有好爽嘅水魷、鮮甜飽滿珍珠蜆, 蝦雖不算肥美大隻, 但都係爽口。 牛栢葉好爽。 手打蝦丸、蟹籽手打蝦滑: 同樣彈牙, 細味有鮮甜蝦味。 8吋長仿蟹柳: 坊間唔係好多火鍋餐廳可以食到, 鮮甜蟹柳索咗個鮮魚湯底, 更顯鮮味。 除了經QR code落單, 餐廳一個角落亦設有自助區,分別有混醬區、自助沙律吧、冷盤小食、火鍋丸類、蔬菜類,冷盤小食嘅泡椒鳳爪同埋麻辣雞腎, 微微地辣, 惹味值得encore。 點擊圖片放大 +2 飲品方面, 放滿幾個大雪櫃, 罐裝汽水、紙包飲品同埋餐廳自家出品嘅營養果茶。飲過其中嘅金羅漢雪梨潤茶: 清甜潤喉, 邊打邊爐邊飲, 感覺冇咁熱氣。 甜品方面原本有軟雪糕任食, 但當晚雪糕機壞咗, 遺下了缺憾美。 .一鍋堂 E Pot旺角彌敦道628號瓊華中心6樓.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/She.com: https://blog.she.com/keresawongls/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong