離開觀塘區工作已近十年多, 知道除了APM, 係工廈區都隱藏了唔少美食餐廳, 於是今日陪丫妹出觀塘拎衫, 順道留意下附近餐廳有冇咩正野食。 途經見到其中一新裝修大廈大堂門外放咗呢間新開餐廳嘅水牌, 有新開張優惠, 吸引我地上去一試。 門外至內裝修都有種氣派感, 座位闊落, 坐得舒服。 午市只提供一個menu, 每位入堂最低消費者一人一個LUNCH SET。 點擊圖片放大 Lunch menu (原價HK$288) 新開7折: HK$202/pplLUNCH分別有3個主食選擇, 包括有兩款牛、一款雞, 同樣跟任食薯條、西班牙包、沙律, 再送指定白酒/紅酒/生啤一杯 (免費轉無酒精飲品 coffee/tea) 西班牙鬆脆包:麵包烘至暖暖的, 皮香脆, 配上軟滑希臘芝士醬、油浸蕃茄、初炸橄欖油, 味道更提升。 翠綠青沙律配香草芥末籽油醋汁, 焦糖合桃沙律新鮮爽脆, 加上甜酸芥末籽油醋汁同埋合桃, 開胃有層次。 無限量炸薯條:幼身薯條, 平均撈咗7味粉, 即叫即炸, 另配上茄汁、沙律醬。 主菜放於同一鐵盤上上檯, 有小火輕輕興住, 澳洲安格斯西冷牛扒 (8oz):西冷牛扒面層灑咗少少鹽吊味, 自選五成熟, 牛扒中心keep到嫩紅有肉汁, 夠林, 肉味濃, 另配上兩款醬汁, 其中一種為蔥油醬, 配牛扒食極為惹味香口, 同時有助平衡牛脂嘅油膩, 正! 牛油焗法國黃油春雞 (8oz):一人份量都有一隻春雞, 皮雖不是脆, 不過雞件鮮嫩juicy, 灑咗少少鹽兼索咗牛油更加惹味。 飲品方面, 跟餐送指定白酒/紅酒/生啤一杯, 但唔飲酒嘅我地轉了餐茶,凍檸水、凍奶茶, 糖水同奶另上, 可供食客自行調至喜歡嘅濃度。 .NATA - Steak, Wine & Cocktail觀塘巧明街107號國基集團中心4樓1號舖.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/She.com: https://blog.she.com/keresawongls/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong