今晚大飽口福, 跟咗位識食朋友去咗銅鑼灣新開兼結合台式同日式嘅烤肉餐廳, 呢間餐廳座位唔多, 唔怪得朋友話要book位先好去。平日晚大約8點左右, 真係所有檯坐滿食客。 今晚由朋友發板, 除了點咗幾款烤物, 仲點咗幾款熟食, 果然熟食更有驚喜!先食個冷盤前菜【手工黃金泡菜】HK$38有別於韓國傳統泡菜, 呢款甜酸開胃, 莖位爽脆可口。 【松露烘蛋】HK$58賣相確實不太吸引, 感覺表面乾身, 而且蛋餅熟透, 卻因為咁而令入口別具驚喜。蛋餅除本身蛋嘅香甜, 仲滲出濃郁松露味, 加入咗蟹柳, 鮮香味十足! 【大明太子美人腿】HK$68來自台灣出產嘅筍, 面層放上明太子醬, 有如雞髀菇爽嫩口感, keep到本身水份, 配上明太子醬, 更加惹味多汁, 令人不禁一口接一口。 【土豪炸雞翅】HK$80即叫即炸, 每隻雞翼大隻脹卜卜, 外層炸皮香口鬆脆不油, 入面仲好juicy嫩滑, 每啖仲有微微嘅辣, 同樣值得推介。 到了烤物環節, 餐廳嘅烤物都經調味/醃製過, 不過同樣都會送上有助減膩嘅汁料自行沾點。有香蔥、蔥碎同埋檸檬汁, 用以mix埋一齊再點, 但個人覺得呢度嘅烤物味道已經很足夠, 基本上唔需要再額外調味。 【厚切日本山藥】HK$60厚切山藥表面灑上鹽做調味, 烤至表面金黃就食得, 口感有如馬蹄般爽脆清甜, 表面有少少鹽吊味。 【黑松露奶油澳洲和牛腹心肉】HK$188和牛腹心肉色澤嫩紅, 牛脂紋理唔多, 黑松露奶油加熱熔化, 將烤好嘅和牛腹心肉沾點, 肉質細嫩, 附有黑松露奶油汁, 邪惡又好味。點擊圖片放大 【月見伊比利黑毛豬梅肉】HK$188黑毛豬梅肉為超薄切, 烤至金黃, 肉質嫩, 加了甜甜蜜汁做調味, 好似食緊好林嘅蜜汁豬肉乾咁。沾蛋汁食, 平衡油膩, 又令口感滑一d。點擊圖片放大 【日本雞三角】HK$88係雞軟骨品種, 烤後香口爽脆, 但加咗大量鹽, 味道過鹹。 呢度有多款清酒/酒類飲品飲, 唔飲酒嘅都有無酒精飲品選擇【Bless柳橙汁】HK$30 最後點了甜品, 即叫即整【甜心鬆餅】HK$68鬆餅上加上雲呢拿雪糕球同埋莓醬, 鬆餅質感有如布丁, 但口感實一點, 沾上雪糕同埋甜酸莓汁, 入口微暖。 .101燒肉餐酒館銅鑼灣登龍街28號永光中心6樓.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/She.com: https://blog.she.com/keresawongls/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
