原本相約咗同事去天晉會所bbq, 點知booking出咗意外交唔到爐, 唯有係附近搵餐廳食dinner, 同事帶咗我去呢間「KOKA小野人」, 餐廳內柔和燈光, 座位密集, 每張檯都有個小火鐵盤興住串燒, 避免串燒灘涼。但整個環境亦唔會有煙霧焗促感, 更不會有太大陣濃烈燒烤味。 呢度主打多款川式串燒, 串燒一串串串好, 每串份量少少, 係廚房烤好再送上客人檯上嘅小鐵盤上。除了串燒, 另有小量小食、芝士撈丁等供應。自行scan QR code落單。黑松露芝士撈丁:面層佈上大量金黃芝士, 有一堆黑松露, 將整個丁撈起, 每條丁都沾上芝士, 非常杰身, 芝士味很重, 而且仲散發很濃郁黑松露香。點擊圖片放大 墨西哥烤玉米:粟米烤過依然keep到原本多汁, 表面灑上了芝士粉同埋孜然粉, 清甜又惹味。 麻吉年糕燒:表面微脆, 綿密很黏, 很有米香, 面層加咗練奶、芝麻, 甜甜地。 Q彈烤魷魚: 以鐵板上, 細細片魷魚串起, 再加上小谷粒同埋蔥; 魷魚好爽唔硬。 薄薄牛五花帶有肉香, 分別卷上兩款不同配料, 口感同味道都各有特色。蘆筍牛五花卷: 幼蘆筍清甜多汁金針菇牛五花卷: 層次豐富, 烤牛五花時, 肉汁滲入了金針菇之間。烤海蝦串: 海蝦痴蝦殼, 不過幾爽。烤多春魚: 唔會烤至太乾, 魚皮帶點微焦香。 烤雞脆骨: 軟骨口感爽脆, 加咗少少孜然粉調味, 正。烤脆雞皮: 炸至脆卜卜, 香口得黎唔會太多油滲出。 烤雞腎: 爽得黎唔會太乾 大漠烤羊肉串: 肉質林, 有微微羊羶味, 加咗少少孜然粉, 惹味。 烤牛舌: 薄切, keep到肉汁, 唔會韌 烤小牛肉: 肉質好林, 牛味幾濃。 熱辣辣串燒, 唔配酒, 配原味乳酪奶昔, 可以稍為解到辣。 .小野人將軍澳澳南海岸唐俊街23號MONTEREY Place地下G25A號舖.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/She.com: https://blog.she.com/keresawongls/小紅書:https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
