好姊妹生日, 梗係要陪佢搵節目, 順便食個high-tea嘆下。係海港城盡頭有間法國西餐廳, 門外望入, 昏暗燈光令環境氣氛既高檔又浪漫。 其中見到有二人Tea set, 只限平日3點至6點供應, 難得平日放假, 一於試試。點擊圖片放大 Tea set包兩杯coffee or tea, 而Tea-set一共兩層, 下層為鹹點, 上層甜點各三款, 每款賣相精緻。 【Da Napoli-TEA】HK$358 /2ppl 柚子醬巴馬火腿蜜瓜酥: 一口咬, 下層酥皮鬆化, 摺疊嘅巴馬火腿相對不是一咬即斷, 所以要分層食, 火腿微微鹹香又滑, 配上一小份量甜柚子醬, 鹹甜味很match。 魚子醬蟹肉沙律紅茶奶油包:奶油包較為軟化, 梳梳蟹肉混入沙律醬, 依然食到蟹肉嘅鮮甜, 鹹鹹地嘅魚子醬更能提鮮。 洛神花三文魚迷你漢堡: 將漢堡以天然洛神花染成粉紅色burger, 但包質地有d賓, 夾住小洋蔥同埋煙三文魚, 沒有額外醬汁, 主要食到煙三文魚嘅鹹香。 玫瑰花荔枝慕士蛋糕: 蛋糕佔一小層墊底, 中層為玫瑰慕士, 荔枝jelly做頂層, 整個入口, 玫瑰花味很重, 多重層次, 花香味清新。 宇治抹茶雪糕泡芙: 泡芙鬆化, 內裡有宇治抹茶雪糕, 凍冰冰, 抹茶味濃。 伯爵茶提Tiramisu: 口感creamy濕潤, 咖啡味什濃, 細味有伯爵茶香。 一邊嘆Tea, 一邊閒傾, 好快又過6點, 剛好有另一朋友黎join我地, 正好再散叫幾款食埋dinner。【Avocado Tartare】HK$198吞拿魚牛油果他他Creamy中又食到有魚香嘅吞拿魚粒, 再混入醃洋蔥細粒, 口感綿密, 不過價錢偏貴。 【Classic Lobster Tagliatelle】HK$308波浪扁意粉軟硬剛好, 口感特別, 龍蝦鮮香甘甜汁醬容易掛汁, 平均沾上每條意粉, 龍蝦雖然較細隻, 但肉質鮮甜爽彈。整體超喜歡呢款main!點擊圖片放大 【Confit Duck Leg】HK$278鴨腿燉得入味軟腍, keep到原本肉汁. 同時又食到鴨肉獨特嘅香味, 外皮微脆, 配上無花果同水果粒, 可清新一下口中嘅濃郁味。 飲品方面同樣選擇多, 除了各式coffee、wine, 仲有餐廳自家沖調嘅cocktails, 另有3款mocktails供應。【Summertime magic】HK$78芒果味濃郁, 散發淡淡酸甜菠蘿味, 但稍為甜咗d, 不過待冰溶化, 可能會好一點。 .Da Filippo Trattoria尖沙咀廣東道21號海港城港威商場3樓3203-3204A號舖.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/ She.com: https://blog.she.com/keresawongls/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
