近排睇電視見到富臨最近新推廣松葉蟹有抵食價, 未試過係香港食松葉蟹, 見價錢唔太貴, 抱住駁下嘅心態前去一試。 黃大仙富臨分店環境闊落, 平日晚放工時段愈黎愈多人幫襯。 【北海道松葉蟹】HK$298 (晚市價18:00開始)即叫即蒸原隻上, 蟹身爆膏, 鮮味甘甜; 蟹肉可以一梳梳拆出, 整體幾多肉食, 唔需要再點醋加以調味, 鮮甜味依然十足! 點擊圖片放大 +2 【燒鵝(例牌) 】HK$118燒鵝皮脆肉嫩juicy, 例牌有啖啖肉嘅鵝髀食, 墊底都係鵝背為主, 不過皮脆, 點甜酸醬食, 味道依然唔錯! 【豉油皇炒麵】HK$72選用較幼嘅麵絲, 炒得幾香, 跟芽菜、香蔥一齊炒起, 口感帶點層次。 最後食埋甜甜地嘅桂花糕做甜品, 很滿足! 茶位$12/位前菜$12.富臨皇宮黃大仙龍翔道120號新光中心3樓.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
