人氣餐廳Piccolo Pizzeria搬到新址再改名, 重新包裝成型格威尼斯Cichetti酒吧 Trattoria Piccolo , 點擊圖片放大 主打地道小食、海鮮、意式佳餚, 仲有每日更換嘅Cichetti菜單! 令人充滿新鮮感同期待!點擊圖片放大 +2 【八爪魚生牛肉片配海蘆笋】HK$85八爪魚切成超薄片, 配上鯷魚醬、煙燻橄欖油、亞枝竹同埋海蘆笋, 酸酸地好開胃。 同樣嘅汁醬調味換上了油甘魚, 完美帶出本身鮮魚味, 個人偏愛呢款多d【鮮油甘魚配煙薰雅支竹及海蘆笋】HK$85 【吞拿魚醬小牛肉】HK$75冷盤小牛肉里脊經慢煮後, 切成薄片, 肉質意想不到嫩滑, 配上餐廳秘製吞拿魚醬同埋水瓜柳, 更提升味道。 【古法意式煙肉薄餅】HK$110面層佈上薄薄嘅意式煙肉、芝士, 同埋一篤即漏出蛋汁嘅溫泉蛋, 食之前將蛋汁平均塗上每件pizza, 可中和煙肉、芝士本身嘅鹹味取得平衡, 而薄餅底帶有微微炭火焦香, 正! 【赤陶鍋烤焗黃雞】HK$650 (需提前兩天預訂)係一款地道意式家常菜, 選用本地三黃雞經16小時醃製, 放於陶鍋, 加入葱、香草料、栗子、薯仔同埋羊肚菌烤焗; 雞皮仲keep到微微香脆, 肉質嫩滑, 索咗配料味道, 香氣四溢。點擊圖片放大 餐廳一共有三款甜品, 其中更可品嚐到自家沖調兼大受歡迎嘅Espresso 【Affogato - Espresso and Vanilla Ice Cream】HK$50Espresso味道濃厚, 冇苦澀味, 淋上雲呢拿雪糕後, 好似食緊入口即溶嘅Tiramisu。 【Lemon Sorbet and Limonello】HK$50有如沙冰般絲滑嘅檸檬雪葩, 自行淋上檸檬酒, 入口即溶酸味味, 後繼滲出淡淡酒香。 .Trattoria Piccolo西環加多近街39&41號嘉都大廈地下B號舖.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
