同同事係上環見完客, 順便係附近搵餐廳醫肚。經過見到間主打Burger、意粉嘅餐廳, menu上嘅特色burger都幾吸引, 就入去試試。餐廳面積不大, 有幾張細檯做堂食。某些角落有霓虹燈亮起做裝飾, 再加上以白色石磚做牆壁, 感覺幾有美式風格。 自行到櫃位落order, 堂食全日免加一。我地各人order了Combo餐, 主食再加錢追加小食+飲品。 我揀咗【西冷黑松露水牛芝士】HK$89一打開個盒, 已經見到多片牛肉疊起, 再有半溶芝士附於牛肉上, 熱辣辣時掀開包面, 果然有拉絲啊!! 牛肉剛好熟, keep到些少肉汁; 再以黑松露醬取代傳統burger嘅沙律醬, burger 同樣夾了生菜、索哂汁嘅洋蔥絲同磨菇片, 增加了菇菌味同層次口感。 【大蝦香蒜橄欖油意粉】HK$78每啖意粉都有好重嘅蒜香同埋橄欖油味, 蝦好爽, 不過欠缺鮮甜。 兩款主食再追加了小食:+$18 追加薯角雖然烘得微脆不油, 但連鹽都冇落, 味道好寡。+$18 原味雞翼雞翼表面幾香, 肉質唔會太乾身。 .La Casa Burger & Pasta上環文咸東街2號地舖.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
