間中會同同事誇區食LUNCH, 有時誤打誤撞都會搵到d隱世美食。今日就黎到天后呢間WAKO SAKE LABO • SUSHI, 店內裝修cyber, 點擊圖片放大 食物主要係廚櫃中已準備好嘅食物, 價錢因應自己揀幾多款而定, 就好似港式三餸飯咁, 自由配搭。 而另一邊箱有多個層架, 有如日式雜貨店一樣, 售賣日本進口小食、急凍海鮮、和牛、凍肉等等...中高價錢, 食完野可以慢慢睇有冇野岩買返屋企慢慢嘆。 分別order了4品料理同埋5品料理套餐, 配有味噌湯同埋白飯 每樣少少, 可以試到唔同款。 大蝦芒果黑醋沙律: 沙律菜底沾咗少少黑醋, 甜甜酸酸, 唔會太搶蝦本身爽甜, 芒果清甜多汁 芝麻汁菠菜沙律: 冷盤菠菜好夠凍, 索咗少少芝麻汁, 清新冇渣 吉列豚肉: 吉列皮帶微脆, 肉質幾林, 點沙律醬食唔錯 炸雞: 嫌炸皮已經唔脆, 常溫雞肉唔太嫩, 呢款唔太驚喜高野豆腐釀雞肉: 很有特色, 一咬豆腐濟出豐富清甜湯汁, 有如關東煮一樣, 不過口感就有d鞋 黑椒烤雞柚子醋沙律: 烤雞唔會太硬, 有少少黑椒吊味, 唔會太重口味 藜麥羽衣甘藍拌柚子汁沙律: 夠凍、配搭清新有層次。 鹽燒鯖魚: 很有魚香, 有少少鹽吊味, 正! 朋友呢set加咗$12 將白飯轉藜麥椰菜花飯, 層次豐富, 又健康。唔會過於乾身, 岩哂keep fit怕肥嘅朋友選擇。 食完lunch當然要嘆返杯coffee, 同埋cake+$20 酒粕咖啡:咖啡做到漸變分層, 先呷一啖, 咖啡味唔太重, 似乎特意為後加嘅一匙羹酒粕而調味, 將酒粕加入咖啡攪拌後, 味道重一點, 但冇咗預期嘅酒味。+25 指定甜品-蘋果cheese cake質地唔算creamy, 不過芝士味幾出, 底下有微爽清甜蘋果肉, 整體唔會過甜, 正! .WAKO SAKE LABO • SUSHI天后天后歌頓道1號地下.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong