太耐冇食過沾麵, 經過尖沙咀「風雲丸」又燃起沾麵癮, 食過好幾間沾麵店, 都嫌沾麵汁過鹹, 還是覺得「風雲丸」味道唔錯, 吸引我encore了好幾次, 今日自己一個又去幫襯喇!!假日過了午市時段, 門外還是出現人龍, 可見人氣無分時段都咁多人捧場。還好人龍都算清得快, 只係排咗10分鐘左右就可入座。 餐廳內環境富有日本居酒屋氣氛, 主打濃厚豚肉魚介湯底, 配上不同配料嘅沾麵同拉麵; 麵底可自選冷/溫同埋份量。同時供應少量日式料理、石頭飯、日式飲品同雪糕。 【咖哩豚骨魚介沾麵】HK$95沾麵汁以石鍋熱辣辣滾滾下上檯, 散發著陣陣咖哩香; 麵條Q彈, 咖哩豚骨魚介沾汁偏杰, 將麵條夾至沾汁中, 可見容易掛汁; 沾汁濃郁充滿鹹甜豚骨魚介, 同時食到微辣咖哩, 非常惹味。呢款沾麵配有一片頗有厚度嘅慢煮叉燒, 肥瘦相間平均, 質地林得用少少力就能輕易撕開, 肉味重得黎又唔會食到成口油。點擊圖片放大 +3 另外+$12追加了粟米, 個人喜好跟沾麵一齊食, 不但有層次, 更多一點粟米嘅清甜。 【沙拉唐揚炸雞】HK$38炸雞表面炸至焦脆, 加上比較稀嘅沙拉, 炸皮薄, 肉質幾嫩兼keep到肉汁。 【靜崗蜜瓜蘇打】HK$28黎自日本嘅樽裝蜜瓜蘇打, 非常夠汽, 蜜瓜味相當重。 【日本米雪糕】HK$28同樣黎自日本原裝雪糕, 口感軟滑, 間中夾集稍有煙韌感嘅米飯感, 跟米香味雪糕很夾。 .風雲丸尖沙咀麼地道30號Mody House地舖星期一至日: 11:30 - 22:00.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong
