早排同事幫忙整電腦, 為咗答謝佢就請佢去近銅鑼灣地鐵站嘅superdon食丼飯 。接近三年冇幫襯過, menu都已經改哂, 丼飯款式亦多咗好多, 刺身丼飯, 又有自選配搭嘅丼飯, 而熟食丼飯款式亦不少。 餐廳內面積不大, 但地方企理, 每款丼飯都配有沙律同埋味噌湯, 而丼飯飯底都幾多, 【三文魚親子丼】HK$98四片三文魚, 配上大量三文魚籽, 醋米飯底微暖帶黏性, 跟三文魚籽撈埋一齊食, 多了點層次兼有魚油香; 不過三文魚魚質偏林, 魚油唔太突出。 另追加 【香蔥吞拿魚腩蓉】HK$58吞拿魚腩蓉很有魚香, 加咗少少香蔥一齊食, 增添香口。 【和風炸雞丼】HK$78炸雞賣相好似炸軟殼蟹般, 炸皮有如天婦羅般炸法, 雖然不算很酥脆, 雞肉亦不太嫩, 但至少外層不會過油, 亦肉質唔會太乾。點沙律醬食, 提升味道。 另外order咗杯【沖繩樽生生啤】HK$38很夠汽, 但同事嫌太少泡。 .スーパー丼 Superdon銅鑼灣駱克道501號地舖星期一至日: 12:00 - 21:30.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong
