放工約咗丫姨去北角shopping, 撞正落雨, 於是係港運城避雨, 發現原來呢度新開咗間拉麵店, 見肚餓又係dinner time, 就入去試試。 餐廳裝修幾有日本時尚居酒屋feel, 設多張卡位, 坐得舒服。 呢度仲供應清酒放題, 揀自己中意嘅靚杯, 限時內品嚐多款唔同品牌嘅清酒。 食物方面都以日本料理為主, 【海之天婦羅】HK$118蝦、鯛魚、黑松露帶子、墨魚、紫蘇葉所有炸物表面不油, 不過只有紫蘇葉炸皮為脆, 其他炸皮都係林, 蝦口感唔多爽, 冇咩鮮味; 墨魚都幾爽, 最好食嘅係黑松露帶子, 帶子呈半刺身, 相夾了黑松露, 食到帶子鮮甜同埋好重嘅松露味。 【灸牛拉麵 (黑胡椒燒)】HK$92湯底標榜每日以新鮮豚骨熬煮, 絕無添加, 濃而不膩; 灸牛嘅黑胡椒好重, 幾惹味; 拉麵口感跟公仔麵差不多。點擊圖片放大 【三色燒肉丼】HK$108一次過食到煙燻雞、五花肉、牛舌, 煙燻雞肉質唔鞋, 但五花肉唔會太肥, 但比較鞋; 牛舌最為討好, 爽口又keep到原本肉汁。 【一口壽司飯-鮮.海膽】HK$68紫菜呈V形, 放著壽司飯跟大大粒海膽, 侍應指壽司已被師傅加入豉油調味, 唔需要額外點醬, 直接食用即可。海膽唔腥, 雖說壽司已被調味, 但海膽鮮味沒有覆蓋, 輕微嘅調味做得不錯。 另外Order咗兩杯飲品, 同樣都由日本產直送。【巨峰提子梳打】HK$38【蘋果焙茶】HK$38 .三代目北角英皇道500號港運城地下11-13號舖星期一至四: 11:30 - 15:30; 18:00 - 22:00星期五至日: 11:30 - 15:30; 17:30 - 22:30.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong
