早前搭車經過見到灣仔新開間Burger快餐, 今晚放工專程同同事過黎試試。 店內跟連鎖式快餐一樣, 先行到櫃檯落單拎野食, 自己揀位坐。但環境相比下高檔一點。 order咗兩個 Meal Set HK$162 Bacon Double Cheese Burger (+$66)餡料最頂層有煙肉碎、半溶芝士、雙層牛肉漢堡扒, 牛肉漢堡扒好林, 肉質嫩紅比較散, 但keep到肉汁, 肉味重, 煙肉碎粒再增加口感層次, 偏硬搞到銀牙, 配上少少洋蔥碎、番茄醬、芥末, 整體味道唔錯。 點擊圖片放大 Seoul Burger (+$39)相比下覺得個包冇咁豐富, 好扁, 只有一片牛肉漢堡扒, 上層有幾粒蔥, 下層有幾片酸中帶微辣泡菜, 汁醬較少, 主要味道黎自泡菜。點擊圖片放大 Popcorn Chicken (+$7)每粒炸雞size有如爆谷般細粒, 外層香口乾身。 Skinny Fires: 幼身薯條同樣炸得乾身偏韌 套餐跟兩杯汽水, 自行到自助吧斟 .Boy n Burger灣仔莊士敦道206-212號208 Johnston地下3號舖星期一至日: 08:00 - 22:00.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong
