同朋友去完工展會見肚餓, 就去咗附近皇室堡搵食醫肚。原來呢度都有間Dazzling Cafe, 印象中係尖沙咀店食過, 甜品吐司令人一試愛上, 而今晚就係門外展示了聖誕限定套餐menu, 雖然未到聖誕正日, 但亦吸引到我倆order打卡。 Dazzling Cafe 座位闊落, 坐得幾舒服, 係gathering好去處。聖誕雙人套餐 HK$548包括沙律、小食併盤、兩款自選意粉、吐司、兩杯飲品兩個人食絕對夠飽, 而且個甜品係聖誕限定, 好食得唔可以錯過! 和風蘆筍雨衣甘藍沙拉:以賣相似聖誕樹葉嘅雨衣甘藍做沙律, 加咗少少醋調味, balance本身嘅澀味 小食:包括: 香煎帶子配芒果莎莎、蜂蜜芥末雞翼、鹽酥雞帶子煎得過熟乾身, 口感好似食緊元貝一樣;鹽酥雞表面香脆不油; 雞翼焦香香脆; 自選兩款意大利麵:明太子意大利麵: 非常creamy, 奶油味很重, 明太子份量多, 增加了層次。 蕃茄明蝦意大利麵 (銅鑼灣店限定)意大利麵平均沾上酸甜蕃茄醬, 蝦肉爽口, 不過鮮味就唔太突出; 整體酸甜醬汁, 令人開胃。 甜品係最有驚喜!聖誕繽紛二重奏蜜糖吐司:綠色星形脆吐司疊串成聖誕樹, 再以滑忌廉仿真成溶雪效果, 賣相很有聖誕色彩。底層蜜糖吐司軟棉, 食到蜜糖嘅微甜, 表面平均沾上oreo碎, 再沾埋雲呢拿雪糕, 配搭確實好味, 值得推介! 飲品方面揀咗兩款呈聖誕樹賣相嘅沙冰:香抹聖誕樹: 清新抹茶味, 奶香幼滑野莓荔枝冰沙: 酸甜中細味到清甜荔枝味 .Dazzling Cafe銅鑼灣告士打道311號皇室堡3樓313-314號舖.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong
