放假又再去咗朋友大角咀新居, 趁大家仲未食晏, 就是但入咗一間日式小店食個lunch。 餐廳內佈置富有和風氣息, 地方企理, 供應3款拉麵、數款日式咖喱飯、小食、串燒, 價錢唔太貴, 其中拉麵款式中嘅慢煮雞, 令人一試愛上, 推介! 【日鶴】HK$88奶白色湯底濃郁唔會過鹹, 入口有淡淡雞香同奶香味; 配搭叉燒同埋慢煮雞胸, 叉燒表面輕輕火炙過, 林得黎又不會過於油, 最Surprise就係兩片慢煮雞胸, 肉質超嫩彈滑, 更配上了冇被鹵過嘅半隻流心蛋, 口感軟滑。飲哂成個湯底都唔覺口渴, 果然不是味精湯底, 推介!點擊圖片放大 +2 【日式咖喱吉列炸豬扒飯】HK$78大大塊吉列炸豬扒覆蓋整個飯, 咖喱汁另上, 唔會影響到吉列皮嘅香脆, 豬扒肉質有彈性, 唔會好鞋, 配上甜甜微辣嘅日式咖喱汁, 提升味道, 撈飯食, 食得津津有味~ 【雞軟骨串】HK$35雞軟骨爽脆, 表面加咗七味粉調味, 惹味。 【薯條】HK$25粗薯條, 表面乾身香脆, 配上茄汁。 鶴旭大角咀大全街26號地舖星期一至五: 12:00 - 15:00; 18:00 - 21:30星期六: 12:00 - 16:00; 18:00 - 21:30星期日: 12:00 - 16:00.平台參考:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/小紅書: https://www.xiaohongshu.com/user/profile/5b230759e8ac2b524de93a5eBeautyExchange: http://www.beautyexchange.com.hk/blog/keresawong.l.sESDlife: http://wow.esdlife.com/keresawongWeibo: http://weibo.com/keresawong
